Úsh adamdy aldap, 19 mıllıon teńgesin ıemdengen ınternet-alaıaq ustaldy

<p>ASTANA. KAZINFORM &mdash; Jambyl oblysynyń prokýratýrasy ınternet arqyly úsh adamdy aldaǵan kúdikti ustalǵanyn málimdedi.</p>

2024 jylǵy 18 shildede Taraz qalasy prokýratýrasynyń úılestirýimen jedel-izdestirý jumystaryn júrgizý barysynda qalalyq polıtsııa bóliminiń qyzmetkerleri qalanyń 3 senimdi azamatyn ınternet baılanysy arqyly aldaǵan Reseı Federatsııasynyń «R» esimdi azamatyn ustady.

Joǵaryda atalǵan azamat osy jyldyń sáýir-mamyr aılary aralyǵynda óz sybaılastarymen birge azamattardyń senimine kirip, ártúrli nómirlerden qońyraý shalyp, «Ekinshi deńgeıdegi bankterdiń qaýipsizdik qyzmetiniń jumyskerleri» jáne quqyq qorǵaý organdarynyń qyzmetkerleri retinde tanystyryp, alaıaqtar azamattardyń atynan nesıe almaqshy ekenin aıtqan.

Osy shemany paıdalana otyryp, alaıaqtar WhatsApp áleýmettik jelisiniń beınebaılanysy arqyly alaıaqtyq jolmen nesıe resimdep, jábirlenýshilerdiń 19 mıllıon teńgesin ıemdengen.

Atalǵan fakti boıynsha 25.04.2024 jyly QR QK 190-babynyń 4-bóligi 2-tarmaǵy boıynsha sotqa deıingi sotqa deıingi terep-tekserý bastalǵan.

Kúdikti Memlekettik shekara beketinen Qyrǵyz Respýblıkasyna qaraı ótý kezinde ustaldy.

Qazirgi ýaqytta tergeý amaldary júrgizilip jatyr.

QPK-niń 201-babyna sáıkes basqa aqparat jarııa etýge jatpaıdy.