Úsh adam mingen kólik Balqash kólinde muz astyna túsip ketti

<p>QARAǴANDY. KAZINFORM - Qaraǵandy oblysynda úsh adamy bar kólik muz astyna túsip ketti. Olardyń ekeýi óz betinshe shyqqan, úshinshisiniń denesin qutqarýshy súńgýirler tapty, dep habarlaıdy Kazinform agenttigi.</p>

Túnde Aqtoǵaı aýdanynda Balqash kólinde Gúlshat pen Tasaral aýyldarynyń arasynda qaıǵyly oqıǵa boldy. Mal izdeý barysynda úsh er adam kólikpen muz astyna túsip ketti.

- Eki adam ózdiginen shyǵyp, aman qaldy. Úshinshi azamattyń denesin qutqarýshylar izdedi. Búgin tańerteń sý astynan 1988 jyly týǵan er adamnyń denesi shyǵaryldy, - dedi Qaraǵandy oblysy TJD baspasóz qyzmetinen.

Qutqarýshylar qysta muz ústine shyǵý óte qaýipti ekenin eskertedi.

Qaıǵyly jaǵdaılardyń aldyn alý úshin qarapaıym, biraq mańyzdy qaýipsizdik erejelerin saqtaý qajet:

Muzdyń qalyńdyǵyn tekserińiz: bir adam úshin qaýipsiz muz qalyńdyǵy keminde 10 sm, al kólik úshin 30 sm.
Qarańǵy jáne jaryqtar bar muz ýchaskelerinen aýlaq bolyńyz: mundaı jerler senimsiz.
Qarańǵy ýaqytta nemese kórinbeý jaǵdaıynda muzǵa shyqpańyz.
Muzdy shamadan tys júktemeńiz: úlken toptar nemese tehnıka ony syndyrýy múmkin.
Qaıda bara jatqanyńyzdy jaqyndaryńyzǵa eskertińiz jáne árdaıym qutqarý quraldaryn (arqan, taıaq jáne t.b.) ózińizben birge alyp júrińiz.

Qaraǵandy men Astananyń ortasynda 30 jolaýshysy bar avtobýs jolda qalyp qoıǵanyn jazǵan bolatynbyz.