ASTANA. KAZINFORM — Qazaqstandyq tennısshi Danıal Rahmatýllaev jasóspirimder arasynda AQSh ashyq chempıonatynyń irikteý saıysyn sátti ótkizdi.
Aqtaý tennıs mektebiniń túlegi irikteý saıystarynyń fınalynda ATP reıtıngisinde 1195-satyda turǵan marokkolyq Karım Bennanımen sheberlik baıqasty.
Marokkolyq tennısshi irikteý saıystarynyń 8-inshi, Danıal 12-raketkasy bolyp tirkelgen edi.
D.Rahmatýllaev birinshi partııada taı-breıkte 7:6 (7:4) esebimen basymdylyq tanytty.
Ekinshisinde Bennanı ese qaıyrdy – 6:4.
Sýper taı-breıkte Danıal sátti oınady – 10:4.
Osylaısha, 17 jastaǵy D.Rahmatýllaev negizgi jarysqa joldama aldy.
Eske sala keteıik, budan buryn AQSh ashyq chempıonatynda jasóspirimder arasynda Danıal Rahmatýllaevtyń irikteý týrnıriniń fınalyna shyqqanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).