US Open: Jasóspirimder arasynda Danıal Rahmatýllaev negizgi týrnırge joldama aldy

<p>ASTANA. KAZINFORM &mdash; Qazaqstandyq tennısshi Danıal Rahmatýllaev jasóspirimder arasynda AQSh ashyq chempıonatynyń irikteý saıysyn sátti ótkizdi.</p>

Aqtaý tennıs mektebiniń túlegi irikteý saıystarynyń fınalynda ATP reıtıngisinde 1195-satyda turǵan marokkolyq Karım Bennanımen sheberlik baıqasty.

Marokkolyq tennısshi irikteý saıystarynyń 8-inshi, Danıal 12-raketkasy bolyp tirkelgen edi.

D.Rahmatýllaev birinshi partııada taı-breıkte 7:6 (7:4) esebimen basymdylyq tanytty.

Ekinshisinde Bennanı ese qaıyrdy – 6:4.

Sýper taı-breıkte Danıal sátti oınady – 10:4.

Osylaısha, 17 jastaǵy D.Rahmatýllaev negizgi jarysqa joldama aldy.

Eske sala keteıik, budan buryn AQSh ashyq chempıonatynda jasóspirimder arasynda Danıal Rahmatýllaevtyń irikteý týrnıriniń fınalyna shyqqanyn jazǵan bolatynbyz.