US Open: Tımofeı Skatov irikteý saıysynyń fınalyna shyqty

<p>ASTANA. KAZINFORM &ndash; Qazaqstandyq tennısshi, álemniń 190-raketkasy, 23 jastaǵy Tımofeı Skatov AQSh ashyq chempıonaty irikteý saıystarynyń fınalyna joldama aldy.</p>

Qazaqstandyq tennısshiniń irikteý saıystarynyń jartylaı fınalynda otandasy, álemniń 218-raketkasy Beıbit Juqaevpen oınaýyna týra keldi.

Matchty Beıbit sátti bastady – 6:3. Ekinshi sette taı-breıkte tarazy basy Skatovqa aýdy – 7:6 (7:5). Úshinshi, sheshýshi partııada Tımofeı kúsh alyp ketti – 6:1.

Eki saǵat 18 mınýtqa sozylǵan tartysty básekede Juqaev 13 eıspen birge 4 breık-poınttyń teń jartysyn paıdalandy. Skatov 2 eıs, 4 breıkpen (11 breık-poınt) kózge tústi.

Tımofeı Skatov irikteý saıystarynyń fınalynda álemniń 104-raketkasy, ulybrıtanııalyq, 29 jastaǵy Bıllı Harrıspen sheberlik baıqasady. Ony jeńse, AQSh ashyq chempıonatyna joldama alady. 

Ótken jyly Skatov irikteý saıystarynan ótip, alǵashqy aınalymda óner kórsetken bolatyn. Taǵy bir qazaqstandyq, reıtıngide 207-satydaǵy Denıs Evseev irikteý saıysynda ekinshi kezdesýinde álemniń 130-raketkasy, nıderlandylyq Iesper de Iongtan jeńilip qaldy – 3:6, 2:6.

Qazaqstannyń juptyq syndaǵy birinshi, álemniń 56-raketkasy Aleksandr Nedovesov Ýınston-Seılem (AQSh) ATP 250 týrnıriniń shırek fınalynda ekvadorlyq Gonsalo Eskobarmen birge ulybrıtanııalyq Lýka Paý – úndistandyq Dhakshınesvar Sýreshke jol berdi – 1:6, 6:4, 8:10. Sóıtip jartylaı fınaldan tys qaldy. 

Eske sala keteıik, budan buryn Elena Rybakınanyń US Open týrnırine kıip shyǵatyn kıim úlgisin kórsetkenin jazǵan bolatynbyz.