US Open irikteý týrnırinde Denıs Evseev qarsylasyn oısyrata utty

<p>ASTANA. KAZINFORM &mdash; Qazaqstandyq, álemniń 207-raketkasy, 31 jastaǵy Denıs Evseev US Open irikteý týrnırin aıqyn jeńispen bastady.</p>

Atalmysh jarysqa alǵash ret qatysyp jatqan qazaqstandyq tennısshi bastapqy kezdesýin ózinen 10 jas kishi, álemniń 222-raketkasy, ekvadorlyq Alvaro Gılen Mesamen ótkizdi.

Birinshi partııada Evseev óz sporttyq jolynda «Úlken dýlyǵa» dodasyna birinshi ret qosylǵan Mesaǵa birde-bir geım bergen joq – 6:0.

Denıs ekinshi sette 4:0 esebimen alǵa ketkenimen, óz geımin berip qoıdy. Degenmen taǵy bir breıkke qol jetkizip, básekeni támamdady – 6:1.

Bir saǵatqa sozylǵan matchta qazaqstandyq sportshy 12 breık-poınttyń altaýyn óz esebine jazdy. Mesa 1 eıs, 1 breıkpen (3 breık-poınt) shekteldi.

Denıs Evseev irikteý saıystarynyń fınalyna shyǵý úshin álemniń 130-raketkasy, nıderlandylyq Iesper De Iong nemese reıtıngide 142-satydaǵy brazılııalyq Gýstavo Heıdeniń qaı jeńgenimen sheberlik talastyrady.

Búgin túnde sondaı-aq Mıhaıl Kýkýshkın, Dmıtrıı Popko da kortqa shyǵady.

Eske sala keteıik, budan buryn US Open irikteý týrnırinde 6 qazaqstandyq tennısshiniń baq synaıtynyn jazǵan bolatynbyz.

Jas tennısshi Damır Jalǵasbaı Polshadaǵy jarysta jeńimpaz atandy.