US Open irikteý týrnırinde 6 qazaqstandyq tennısshi baq synaıdy

<p>ASTANA. KAZINFORM &ndash; Búgin Nıý-Iork qalasynda tennısten AQSh ashyq chempıonatynyń irikteý týrnıri bastalady. Erler arasynda irikteý saıysynda Qazaqstannan 5 tennısshi baq synaıdy.&nbsp;</p>

Álemniń 121-raketkasy, 36 jastaǵy Mıhaıl Kýkýshkın irikteý saıystarynyń shırek fınalynda dúnıejúzilik reıtıngide 142-orynda turǵan argentınalyq Marko Trýngellıtımen joly túıisedi. Álemniń 184-raketkasy Denıs Evseev reıtıngide 215-satydaǵy ekvadorlyq Alvaro Gılen Mesamen oınaıdy. 

Reıtıngide 187-oryndaǵy Dmıtrıı Popko álemniń 96-raketkasy, taǵy bir argentınalyq Tıago Agýstın Tıranteden ótýge tyrysyp kóredi.

Tımofeı Skatovtyń (№192) da qarsylasy argentınalyq, Fakýndo Bagnıs (№129).

Beıbit Juqaev (№218) shveıtsarııalyq Mark-Andrea Hıýslermen (№205) sheberlik baıqasady. 

Áıelder arasynda reıtıngide 580-oryndaǵy Zarına Dııas qytaılyq, álemniń 209-raketkasy Esın Mamen kezdesedi.

Eske sala keteıik, budan buryn Anna Danılınanyń Monterreıde negizgi týrnırge joldama alǵanyn jazǵan bolatynbyz.