US Open: Elena Rybakına ekinshi aınalymǵa ótti

<p>ASTANA. KAZINFORM &mdash; Qazaqstannyń birinshi, álemniń 4-raketkasy Elena Rybakına AQSh ashyq chempıonatynyń ekinshi aınalymyna shyqty.</p>

Qazaqstandyq tennısshi birinshi aınalymda dúnıejúzilik reıtıngide 194-orynda turǵan aýstralııalyq Destanı Aıavamen synǵa tústi.

Bul qos qarsylastyń ózara alǵashqy kezdesýi edi.

Birinshi partııada Rybakına qos breık jasap, aıqyn basymdylyq kórsetti – 6:1. 

Ekinshi sette esep 3:3 bolǵan mezette qazaqstandyq sportshy breıkpen alǵa shyqqanymen, izinshe óz geımin berip qoıdy – 4:4. Esep 5:6 bolyp, Elena dop bergende, Aıava úsh setbolyn paıdalana almady. Sodan keıin taı-breıkte Rybakına sátti oınady – 7:6 (7:1).

Bir saǵat 22 mınýtqa sozylǵan báseke barysynda Rybakına 11 eıspen birge 6 breık-poınttyń teń jartysyn paıdalandy. Aıava 5 eıs, 1 breıkten (5 breık-poınt) asa almady.

Elena Rybakına AQSh birinshiliginiń úshinshi aınalymyna shyǵý úshin reıtıngide 143-satydaǵy frantsııalyq Djessıka Ponshemen talasady. Ol reıtıngide 1294-oryndaǵy qytaılyq Chjen Saısaıdy qapy qaldyrdy – 6:4, 6:1. 

E.Rybakına osyǵan deıin óz sporttyq jolynda AQSh chempıonatynyń úshinshi aınalymynan asyp kórgen emes. Bul joly qalaı bolatynyn aldaǵy oıyndar kórsetedi. 

Eske sala keteıik, budan buryn AQSh ashyq chempıonatynda Novak Djokovıchtiń jeńis sany jóninen Rodjer Federermen teńeskenin jazǵan bolatynbyz.

Tımofeı Skatov tartysty matchta álemniń 7-raketkasyna jol berdi.