US Open: Anna Danılına juptyq synda 1/8 fınalǵa joldama aldy

<p>ASTANA. KAZINFORM &mdash; Qazaqstannyń juptyq syndaǵy birinshi, álemniń 48-raketkasy Anna Danılına AQSh ashyq chempıonatynyń úshinshi aınalymyna shyqty.</p>

Qazaqstandyq tennısshi reseılik Irına Hromachevamen birge ekinshi aınalymda jarystyń 4-raketkalary, amerıkalyqtar Kerolaın Doýlhaıd – Dezıre Kravchıkti joldan yǵystyrdy.

Amerıkalyq jup favorıt sanalǵanymen, qazaqstandyq-reseılik dýet oıyn tizginin qolyna ala bildi – 6:3, 6:4. Bir saǵat 27 mınýtqa sozylǵan matchta ekeýi 2 eıspen birge 11 breık-poınttyń beseýin paıdalandy. Doýlhaıd – Kravchık 3 eıs, 2 breıkpen shekteldi.

Anna Danılına – Irına Hromacheva shırek fınalǵa shyǵý úshin ulybrıtanııalyq Olıvııa Nıkols – slovakııalyq Tereza Mıhalıkovamen sheberlik talastyrady.

A.Danılına fınlıandııalyq Harra Helıovaaramen birge aralas synda ekinshi aınalymda ıspanııalyq Krıstına Býcha – belgııalyq Ioran Flıgendi jeńse, shırek fınalǵa ótedi.

Eske sala keteıik, budan buryn AQSh ashyq chempıonatynda jasóspirimder arasynda Danıal Rahmatýllaevtyń negizgi jarysqa joldama alǵanyn jazǵan bolatynbyz.

Anna Danılına aralas synda jarystyń 1-raketkasyn utty.

ıÝlııa Pýtıntseva álemniń 5-raketkasyna jol berdi.