US Open: Anna Danılına mıkste jartylaı fınalǵa joldama aldy

ASTANA. QazAqparat – Qazaqstandyq tennısshi Anna Danılına AQSh ashyq chempıonatynda aralas jupta jartylaı fınalǵa joldama aldy, dep habarlaıdy QazAqparat tilshisi.

Qazaqstandyq tennısshi fınlıandııalyq Harrı Helıovaaramen birge shırek fınalda qytaılyq Sıýı Ifan – belgııalyq Ioran Flıgenmen kezdesti.

Birinshi partııada breık jasaǵan qazaqstandyq-fınlıandııalyq jup 7:5 esebimen basym tústi.

Ekinshi sette taı-breıkte olar jeńisti julyp aldy – 7:6 (7:2).

Bir saǵat 42 mınýtqa sozylǵan tartysty báseke barysynda A.Danılına – H.Helıovaara 9 eıs jasap, 7 breık-poınttyń bireýin paıdalana aldy. Qytaılyq-belgııalyq dýet 8 eıspen kózge tústi.

Anna men Harrıdiń jartylaı fınaldaǵy qarsylastary keıin anyqtalady.

Eske sala keteıik, budan buryn Jibek Qulambaevanyń Praga týrnıriniń jeńimpazy atanǵanyn jazǵan bolatynbyz.

Sondaı-aq AQSh ashyq chempıonatynda Anna Danılına mıkste shırek fınalǵa shyqty.