US Open: 19 jastaǵy tennısshi jeńimpaz atandy

ASTANA. QazAqparat – 19 jastaǵy amerıkalyq tennısshi Korı Gaýff AQSh ashyq chempıonatynyń jeńimpazy atandy, dep habarlaıdy QazAqparat tilshisi.

Dúnıejúzilik reıtıngte 6-orynda turǵan K.Gaýff fınalda álemniń 2-raketkasy, belorýssııalyq Arına Sobolenkomen kezdesti.

Bul ekeýiniń de «Úlken dýlyǵa» týrnırindegi ekinshi fınaly edi. Ótken jyly Rolan Garrosta Gaýff Polsha ókili, álemniń 1-raketkasy Iga Shventekten 1:6, 3:6 esebimen jeńilis tapqan edi. Al Sobolenko bıyl Aýstralııa ashyq chempıonatynda qazaqstandyq Elena Rybakınany utqan bolatyn – 4:6, 6:3, 6:4.

Bul joly birinshi partııada Arına 6:2 esebimen basym tústi. Alaıda eki saǵattan astam ýaqytqa sozylǵan matchta sol qarqynyn jalǵastyra almaı, kóp qatelesip, qarsylasyna jol berdi – 3:6, 2:6.

Osylaısha, K.Gaýff óz sporttyq jolynda alǵash ret «Úlken dýlyǵa» jarysynda jeńiske jetti.

AQSh ashyq chempıonatynyń qorytyndysymen A.Sobolenko álemdik reıtıngtiń kóshin bastaıdy. K.Gaýff úzdik úshtikke enedi. Al E.Rybakına tórtinshi orynda qalady.

Eske sala keteıik, budan buryn tennısshi Beıbit Juqaev suhbatynda raketkany alǵash 7 jasynda qolǵa alǵanyn aıtqanyn jazǵan bolatynbyz.

Sondaı-aq Novak Djokovıch «Úlken dýlyǵa» týrnıriniń fınalyna 36 ret shyǵyp, óz rekordyn jańartty.

Anna Danılına AQSh chempıony atandy.