Úrjar jastary kontsert uıymdastyryp, túsken aqshaǵa qaıyrymdylyq kórsetti

ÚRJAR. QazAqparat - Shyǵys Qazaqstan oblysy Úrjar aýdanynyń jastary qasıetti Ramazan aıynda «Qaıyrymdylyq pen jomarttylyq» atty kesh uıymdastyryp, oǵan jınalǵan qarajatqa kómekke zárý birneshe otbasyǵa  kómek kórsetti, dep habarlaıdy QazAqparat tilshisi.

Aıta keteıik, Úrjar aýdandyq «Jastar resýrtyq ortalyǵy» men ortalyq meshit janynan qurylǵan jastar keńesi mádenıet úıinde qaıyrymdylyq kontsert uıymdastyryp, oǵan barlyq aýdan turǵyndary shaqyrylǵan bolatyn.

Qaıyrymdylyq sharada jergilikti ónerpazdar án aıtyp, bı bılese, aýdannyń belsendi jastary Ramazan aıy týraly kórinisterin kórsetti.

Kontsertten jınalǵan qarajatqa kómekke muqtaj otbasylarǵa un, maı, qant, sháı sekildi kúndelikti qajetti azyq-túlikter tartý etildi. 
   

«Ramazan - aılardyń eń qaıyrlysy, ýaqyttyń eń qasıettisi de kıelisi. Bul aıdyń taǵy bir ereksheligi - tamaq pen sýsynnan tyıylý arqyly ózge muqtaj adamdardyń jaǵdaılaryn bastan ótkerip, olardyń Ramazannan da bólek kúnderdegi kúılerin shynaıy sezine túsý. Sol sebepti aýdandyq meshitpen birlesip qaıyrymdylyq kontsert uıymdastyryp, jaǵdaıy tómen otbasylarǵa kómektesýdi jón kórdik», - deıdi «Jastar resýrstyq ortalyǵynyń» dırektory Farhat Súleımenov.  

Joqqa kómektesip, jomarttyq jasaǵan mol saýapqa keneleri haq. Ramazan aıynda qaıyrymdylyq qadamyna barǵan aýdan jastaryna kómek kórsetken otbasylar alǵysyn jaýdyrdy.