Urylardyń «arqasynda» bıýdjet 40 mlrd teńgege tolyp otyr
20:34, 27 Naýryz 2017
ASTANA. QazAqparat - Zańdylyqty, quqyqtyq tərtipti jəne qylmysqa qarsy kúresti qamtamasyz etý jónindegi úılestirý keńesiniń búgingi otyrysynda Bas prokýratýranyń 2-shi Departament dırektory Qusaıyn Igembaev urlyq jasaǵan adamdar jyl saıyn 40 mlrd teńge aıyppul tóleıtinin aıtty, dep habarlaıdy QazAqparat.
Qusaıyn Igembaev Qazaqstanda kóp qabatty úılerdiń tek 3 paıyzy ǵana beınebaqylaý kamerasymen qamtylǵanyn jetkizgen bolatyn . Bas Prokýratýra mamany osy aıyppuldyń belgili bir mólsherin kamera ornatqan mekemelerge bólý arqyly bıznesti yntalandyrý kerek deıdi.
«Úılerge jappaı kamera ornatý júıesin yntalandyrý úshin deldaldyqty paıdalanýǵa bolady. Kameranyń arqasynda urlyq áshkerelenip jatsa, onda ákimshiliktiń aıyppuldyń belgili bir mólsherin kamera ornatqan kásipkerge berýine bolady. Al, jyl saıyn memleket bıýdjetine urlyq jasaǵan adamdar ortasha eseppen 40 mlrd teńge aıyppul tólep otyrady»,-dedi Igembaev.