«Urylar toıa ma, urlyǵyn qoıa ma?» - respýblıkalyq basylymdarǵa sholý
***
19-20 mamyrda Astanada «Shabyt» kontsert zalynda «Ózderiń biler Nartaımyn» degen atpen ánshi-jyrshylardyń respýblıkalyq І konkýrsy ótedi. Bul óner jarysyn Qazaqstan Respýblıkasynyń Mádenıet jáne aqparat, Bilim jáne ǵylym mınıstrlikteri, Qyzylorda oblysy Shıeli aýdanynyń ákimdigi, Astanadaǵy Qazaq ulttyq óner ýnıversıteti, Qorqyt atyndaǵy ónertaný ǵylymı-zertteý ınstıtýty uıymdastyryp otyr. Elbasy N.Á.Nazarbaevtyń qadaǵalaýymen dáıekti túrde júzege asyrylyp kele jatqan «Mádenı mura» baǵdarlamasy aıasynda ótkizilgeli otyrǵan úlken sharanyń maqsaty - HH ǵasyrdaǵy qazaq óneri men mádenıetiniń asa kórnekti ókili - maıtalman ónerpaz: ánshi, jyrshy, aqyn, sazger Nartaı Bekejanulynyń (1890 - 1954) máneri ózindik erekshe shyǵarmashylyǵyn respýblıkalyq deńgeıde nasıhattaý, jas urpaqtyń ulttyq dástúrli ónerge ynta-yqylasyna serpin berý, Nartaıdyń azamattyq, ónerpazdyq biregeı tulǵasyn tanyta túsý. Osy ıgilikti tyń sharany nasıhattaýǵa qosqan úles retinde «Egemen Qazaqstan» basylymynyń búgingi sanynda «Súleılerdiń súırigi» maqalasy oqyrman nazaryna usynylyp otyr.
«Ashynǵannan aıtyp otyrmyn. Álqıssany basynan bastaıyn. Men 1996 jyly aýdanda alǵash ret bastama jasap, sharýa qojalyǵyn quryp, otbasymyz jáne jumyssyz otyrǵan týǵandarymyzdyń basyn qosyp zańdastyryp alǵan 20 gektar egistik jerge baý-baqsha ektim. Odan ári mal baǵatyn jáne mal azyǵyndyq shóp daıyndaıtyn 500 gektar jer satyp aldym. Eńbegimiz zaıa ketken joq, jyl saıyn ál-aýqatymyz artyp, jaǵdaıymyz jaqsardy. Tipti jaz mezgilinde jemshóp daıyndaýǵa syrttan adam alyp, oǵan eńbekaqy tólep jumys istetý dárejesine deıin jettik. Úkimetimizdiń qoldaýy arqasynda nesıe alyp, mal basyn arttyra tústik. Biraq bizdiń bul qýanyshymyz uzaqqa barmady»,-deıdi Aral aýdanyndaǵy «Babı» sharýa qojalyǵynyń tóraǵasy. Bul másele mal barymtasyna qatysty kóterilip otyr.«Egemen Qazaqstan» basylymynyń búgingi sanynda «Urylar toıa ma, urlyǵyn qoıa ma?» atty taqyryppen jaryq kórdi.
***
«Alash aınasy» basylymy búgingi sanynda «Maskúnemder medbıkelerge baǵynbaı jatyr» atty maqala jarııalandy. Basylymnyń jazýynsha, osydan eki jyl buryn qolǵa alynǵan quqyq qorǵaý salasyndaǵy reformaǵa sáıkes, medıtsınalyq aıyqtyrǵyshtar Іshki ister mınıstrliginiń qaraýynan alynyp, Densaýlyq saqtaý mınıstrliginiń quzyryna ótken bolatyn. Jumys tıimdiligin arttyrady, gýmanıstik qadamǵa aparady delingen osyndaı ıgi sharadan da kinárat shyǵa bastasa kerek. Keshe Senattyń jalpy otyrysynda depýtat Murat Baqtııaruly mas kúıinde aıyqtyrǵyshtarǵa ákelinetinderge aq halatty abzal jannyń qamqorlyǵynan góri «qyzyl jaǵalylardyń» qyzmet-qareketi kóbirek kerektigin alǵa tartty.
Osy basylym betinde 2012 jylǵy 17 mamyr kúni Aqtaý qalalyq sotynda Qazaqstan Respýblıkasy Qylmystyq Kodeksiniń 2, 4 bólimi 308-babymen aıyptalǵan J. Temirovke qatysty qylmystyq is boıynsha úkim jarııalanǵany jazylyp otyr. Atalǵan qylmystyq is jónindegi sot otyrysy barlyq múddeli taraptardyń qatysýymen ashyq jaǵdaıda ótti. Sot zalyna kirip, is barysyn baqylaýǵa BAQ ókilderiniń de, Qazaqstan jurtshylyǵynyń da, halyqaralyq baqylaýshylardyń da múmkindigi boldy. Sot úkimine saı, J. Temirov QR-sy QK-niń 4 bólimi 308 babynda kórsetilgen qylmys boıynsha kináli dep tanylyp, múlki tárkilenip, 5 jylǵa quqyq qorǵaý organdarynda qyzmet etý quqyǵynan aıyryp, 5 jyl merzimge bas bostandyǵynan aıyrý jazasy taǵaıyndalyp, ol jazasyn jalpy rejimdegi kolonııada óteıtin boldy. Bul materıal «Alash aınasy» basylymynyń búgingi sanynda «Jańaózenniń ýaqytsha oqshaýlaý abaqtysynyń burynǵy bastyǵy 5 jylǵa bas bostandyǵynan aıyryldy» atty taqyryppen berilgen.
***
«Aıqyn» basylymynyń jazýynsha, Qazaqstanda «qolma-qolsyz esep aıyrysýdan» bas tartqan kásipkerler jazaǵa tartylady, ol ol ma, endi ámııannyń ornyna, tólem kartalaryn alyp júretin adamdardyń betin qaıtarǵan bıznesmenderge qatysty shara qoldanylmaq. El Úkimeti osylaısha qazaqstandyqtardyń qaltasyndaǵy qarjysynyń aınalymyn baqylaýdy ońaılatatyn «elektrondy aqshanyń» «basqynshylyǵyna» jol ashty! Bul máseleniń mán-jaıyn «Aıqyn» basylymynyń búgingi sanyndaǵy «Endi qarjy aınalymy baqylaýda bolady» atty maqaladan izdeńiz.
Sondaı-aq osy basylym keshe Úkimet basshysynyń orynbasary Qaırat Kelimbetov buqaralyq aqparat quraldarynyń basshylary-bas redaktorlarmen arnaıy kezdesip, Memleket basshysynyń bastamasymen iske asyrylǵaly otyrǵan «Halyqtyq ІRO» baǵdarlamasy jaıynda áńgimeleskenin jazady. «Ol eń úzdik Ulttyq kompanııalardyń aktsııalaryn halyqqa satýdy qarastyrady. Mundaǵy maqsat - halyqty memlekettiń ekonomıkalyq ósimine qatystyrý bolyp tabylady»,-dedi Q. Kelimbetov. Bul mańyzdy kezdesý jóninde «Aıqyn» basylymynyń búgingi sanyndaǵy «Aktsııadan aqshańdy aıama» atty maqalasynan oqyńyzdar.
***
«Atyraýda 19 jasar qala turǵyny qamaýǵa alyndy. Jigitti kámeletke tolmaǵan qyzdy alyp qashty dep aıyptap otyr. ıAǵnı, qyzdyń kelisiminsiz ol úılenbekshi bolǵan», dep jazady «Ekspress K» basylymy «Obıavlıaıý tebıa svoeı jenoı» atty maqalada. 17 jasar qyzdyń anasy qyzy keshke mektepten oralmaǵannan keıin dabyl qaqty. Polıtsııa qyzmetkerleri joǵalǵan qyzdy izdeýge kiriskenimen, ol bir táýlikten keıin úıge ózi keldi. Sóıtse, atalǵan jigit bir aı buryn tanysqan osy qyzdy mańyzdy áńgime bar degen jeleýmen shaqyryp alyp, «osy sátten bastap sen meniń zaıybymsyń» dep mashınaǵa otyrǵyzyp, alyp ketken.