Ýrologııalyq aýrýǵa shaldyqqan naýqastar sany jyl ótken saıyn kóbeıip barady – ýrolog
Qýanysh Súleımenov medıtsına salasyn Aqtóbede meńgerdi. Internatýrada oqyp júrgen kezinde ýrologııa salasyn jón kórgen. Onyń aıtýynsha, 4-kýrsta oqyp júrgen kezde ǵylymı joba qorǵap, medıtsına ǵylymdarynyń doktory, professor Esenǵos Mámbetalınnen dáris aldy. Al qolyna dıplom alǵan soń ýrologııa salasyn tańdady.
«Aldymen burynǵy oblystyq klınıkalyq aýrýhana, qazirgi jedel járdem aýrýhanasynda ýrolog dáriger qyzmetin atqara bastadym. Keıin 1997 jyly otbasylyq jaǵdaıyma baılanysty Shalqar qalasyna kettim. Sol jerde 2 jyldan astam ýaqyt jumys istedim. Keıin Aqtóbege qaıta oralyp, oqytýshy qyzmetine kiristim. M. Ospanov atyndaǵy BQMÝ ýrologııa bóliminde oqytýshy boldym. Al 2007 jyly klınıkalyq ortalyq ashyldy. Sol mekemede eki jyl basshylyq qyzmette bolyp, qaıta ýrologııa bólimine aýystym. 2021 jyldan bastap Aqtóbe medıtsına ortalyǵyndaǵy ýrologııa bóliminiń meńgerýshisimin. Sonymen birge ýrologııa kafedrasynda rezıdentterge dáris beremin»,- deıdi Qýanysh Súleımenov.
Aqtóbe medıtsına ortalyǵyndaǵy ýrologııa bóliminde 23 kereýet bar. Munda jylyna myńnan astam adam em qabyldap, myńnan astam adamǵa ota jasalady.
«Óńirdegi emdeý oryndarynda zamanaýı tehnologııamen ota jasalady. Bizge kórshiles oblystardan da naýqastar keledi. Jańa tehnologııalardyń arqasynda biz ortalyqtarǵa joldama berýdi de sırettik. Kóbine ózimiz em-shara qoldanamyz. Munda nesip jolyndaǵy tasty alý, qaterli emes isikti alý sekildi otalar júrgiziledi. Ókinishtisi adamdar óz densaýlyǵyna salǵyrt qaraıdy. Shynyna kelgende er adamdar kóbine óz dertine mán bermeıdi. Kesh kelip jatady. Sondyqtan emhanaǵa baryp, qaralsa, bizge joldamamen kelse deımiz. Sonymen birge em alyp shyqqandar kútinbeıdi. Arada 5-6 jyl ótkende qaıta asqynyp, qaıta dáriger kómegine júginip jatady»,- dedi dáriger.
Aıta keteıik, bıyl 4 aıynyń qorytyndysy boıynsha Aqtóbe oblysynda halyqtyń ómir súrý uzaqtyǵy artyp, densaýlyq saqtaýdyń negizgi kórsetkishteri jaqsardy. Oblys turǵyndaryna kórsetiletin joǵary tehnologııalyq medıtsınalyq qyzmetterdiń kólemi keńeıtildi. Bul baǵyttaǵy jumystar jalǵasyp jatyr. Oblys ákimi baspasóz qyzmetiniń habarlaýynsha, 2023-2025 jyldary Hromtaý, Muǵaljar, Shalqar aýdandarynda kópbeıindi aýdanaralyq aýrýhanalar ashý josparlanǵan. ıAdrolyq medıtsına ortalyǵyn ashýǵa qatysty aýqymdy jobany iske asyrý bastaldy. Sondaı-aq, «Aýyldyq densaýlyq saqtaýdy jańǵyrtý» ulttyq jobasy aıasynda eki jyl ishinde jalpy halyq sany 20 myń adam bolatyn 29 aýylda zamanaýı densaýlyq saqtaý nysandary salynady. Naýqasty qashyqtyqtan dıagnostıkalaýǵa jáne emdeýge múmkindik beretin «Feldsher sómkesi» jobasyn iske asyrý jalǵasady. Bul joba aýyldyq jerlerde medıtsınalyq kómektiń qoljetimdiligin edáýir arttyrady.