Úrmeli matraspen ashyq teńizge shyǵyp ketken qyzdardyń aǵasy jaýapqa tartyldy
«Mańǵystaý oblysynda bıyl 24 shildede bolǵan rezonansty jaǵdaı týraly eske salǵym keledi. Sýdaǵy qaýipsizdik erejelerin saqtamaý saldarynan, jel soǵatyny jáne shomylýǵa tyıym salý týraly SMS-habarlama jiberilse de, úsh qyz úrlemeli matraspen jaǵadan 22 shaqyrym ashyq teńizge shyǵyp ketken. Jergilikti organdardyń birlesken jumystary nátıjesinde qyzdar qutqaryldy», - dedi Tótenshe jaǵdaılar mınıstrligi Azamattyq qorǵanys jáne áskerı bólimder komıteti tóraǵasynyń orynbasary, general-maıor Ularbek Abykeev OKQ-da ótken brıfıngide.
Sondaı-aq, bolǵan jaıtqa qatysty zań aıasynda shara qabyldanǵany aıtyldy.
«Qyzdardyń aǵasy ákimshilik quqyqbuzýshylyq kodeksiniń 412-babyna sáıkes balalardy qaraýsyz qaldyrǵany úshin ákimshilik jaýapkershilikke tartyldy», - deıdi TJM Azamattyq qorǵanys komıtetiniń aǵa ofıtseri Erasyl Saıpash.
Eske salsaq, 24 shildede Kaspıı teńizinde úrmeli matrasqa mingen úsh qyz izdestirilip jatqanyn habarlaǵan edik. Qutqarý jumystaryna tikushaq tartyldy.
Tolqyn alyp ketken úsh qyz bir túnnen keıin tabyldy.