Urlyq túrleriniń tórtten biri páter tonaý bolyp otyr - ІІM

ASTANA. QazAqparat – Páter tonaýdyń aldyn alý úshin turǵyn úı aýlalaryna 90 myńǵa jýyq beınebaqylaý kameralary ornatyldy, dep habarlaıdy QazAqparat.

Bul týraly QR ІІM Krımınaldy polıtsııa departamentiniń asa mańyzdy ister jónindegi aǵa jedel ýákili Áset Júkenov aıtyp berdi.

Barlyq urlyq túrleriniń tórtten bir bóligi páterdi tonaý bolyp otyr. Osyǵan baılanysty quqyq qorǵaý organdaryna osy qolsuǵýshylyqtardyń aldyn alý jáne ashý boıynsha erekshe mindetter júktelgen.

«Urlyqqa qarsy sharalar keshenin kózdeıtin múlikti qorǵaý boıynsha ІІM vedomstvolyq baǵdarlamalary kezeń-kezeńimen iske asyrylady. Turǵyn úılerdiń aýlalarynda 68 myńnan astam beınebaqylaý kamerasy ornatylǵan, al 22 myńnan astamy turǵyndar bastamasymen jabdyqtalǵan. Kún saıyn páter urlyǵyn jasaý ádisi, tásili, ýaqyty boıynsha taldaý júrgiziledi, onyń nátıjesinde polıtsııanyń patrýldik jasaqtarynyń qozǵalys baǵyttary qarastyrylady», - dedi Á. Júkenov QR ІІM aptalyq brıfınginde.

Osylaısha, ashylǵan qylmystar tájirıbesinen páter urlyǵyn qaıta qylmysqa barǵandar, jábirlenýshilermen tatýlasý arqyly jaýapqa tartylmaǵan adamdar jasaıtyny anyqtaldy.

Osy jaǵdaıdy eskerip, Qylmystyq kodekske urlyq jasaýdy jáne úı-jaılarǵa zańsyz kirip urlyq jasaýdy qylmystyń aýyr túrlerine jatqyzý jóninde birneshe ózgeris engizildi, ol úshin múlki tárkilenip, 7 jylǵa deıin bas bostandyǵynan aıyrý jazasy kózdelgen.