Urlanǵan saýsaq izderin sheteldik arnaýly barlaý qyzmetteri satyp alýy múmkin – sarapshy
«Urlanǵan saýsaq izderi bıometrııalyq júıelermen qorǵalǵan qurylǵylarǵa kirý úshin qoldanylýy múmkin. Aıtalyq, haker urlanǵan saýsaq izin tsıfrlyq ámııandy nemese banktik esepshot pen kredıt kartasyn buǵattan ajyratý úshin qoldana alady. Sonymen qatar saýsaq izderi darknette (aǵylshynnyń DarkNet sózi «jasyryn jeli», «kúmándi ınternet, jeli», «kólegeıli jeli, veb» degen maǵyna bildiredi) satylýy yqtımal. Jelide kóptegen astyrtyn naryq bar. Onda urlanǵan jeke derekterdi satýǵa bolady. Atalǵan alańdarda sheteldik arnaýly barlaý qyzmetteriniń de satyp alýshy bolatyndyǵy qupııa emes. Al bıometrııalyq derekter ulttyq qaýipsizdik úshin asa mańyzdy», - dedi sarapshy agenttik tilshisine bergen suhbatynda.
Onyń atap ótýinshe, kóptegen elde bıometrııalyq derekter sáıestendirýden bastap, daýys berýge deıingi túrli maqsatta qoldanylady.
«Máselen, AQSh-ta ımmıgratsııalyq emes vızamen elge kelgen barlyq sheteldik azamattan saýsaq izi alynady. Albanııa 2021 jyly saýsaq izimen daýys berýdi engizdi», - dedi Almas Nurjanov.
Esterińizge sala keteıik, 2024 jyldyń 1 qańtarynan bastap pasport pen jeke kýálikti rásimdeý kezinde azamattardan saýsaq izi alynady.