«Úrker» ulttyq syılyǵynyń jeńimpazdary anyqtaldy

<p>ASTANA. KAZINFORM &ndash; Astanada &laquo;Úrker &ndash; 2024&raquo; respýblıkalyq syılyǵyn tabystaý rásimi ótti.</p>

Dástúrli «Úrker» ulttyq syılyǵy 12 nomınatsııa boıynsha tabystaldy. Uıymdastyrýshylardyń aıtýynsha, bıyl BAQ ókilderinen 400 ótinim túsken. 

Aıta keteıik, BAQ ókilderiniń jumystaryn bedeldi jýrnalıster, salanyń eńbek sińirgen qaıratkerleri men halyqaralyq medıa-sarapshylardan quralǵan táýelsiz qazylar alqasy baǵalady. 

Foto: Soltan Jeksenbekov/ Kazinform

Konkýrs qorytyndysy boıynsha ár nomınatsııanyń jeńimpazyna «Úrker» - 2024 estelik músinshesi men 1 000 000 teńge kóleminde aqshalaı syıaqy tabystaldy. 

Negizgi nomınatsııalardan bólek, Mádenıet jáne aqparat mınıstri Aıda Balaeva «Vremıa» gazeti ujymyna arnaıy syılyqty tartý etti. 

Sondaı-aq, balalar jazýshysy Berdibek Soqpaqbaevtyń 100 jyldyq mereıtoıyna oraı marapat «Zań» gazetine buıyrdy. 

Foto: Soltan Jeksenbekov/ Kazinform

«ÚRKER» syılyǵynyń jeńimpazdary: 

1. Jyldyń úzdik suhbaty – Nurlan Orazǵalıev (Inbusiness.kz); 
2. Jyldyń úzdik reportajy – ıÝlııa Abramova (Nur.kz);
3. Áleýmettik taqyryptaǵy úzdik materıal – Ksenııa Evdokımenko (Time.kz);
4. Jyldyń úzdik jýrnalıstik zertteýi – Nurlat Baıkenje (Astana aqshamy gazeti);
5. Jyldyń úzdik analıtıkalyq materıaly – Tımýr Nıtalıev (Ulysmedia.kz);
6. Radıostantsııadaǵy úzdik joba – Qymbat Dosjan (Qazaq radıosy);
7. Jyldyń úzdik fotosýreti – Salı Sabırov (Olympic.kz);
8. Jyldyń úzdik jańalyqtar portaly – Abai.kz;
9. Úzdik óńirlik BAQ – Nash Kostanaı gazeti;
10. Halyqaralyq BAQ-ta Qazaqstan týraly jarııalanǵan úzdik materıal (baspa, radıo, ınternet-jýrnalıstıka salasynda) – Torǵyn Ashenova (Omby qazaqtary gazeti);
11. Úzdik podkast – NeQuryltay;
12. Úzdik YouTube kanaly – Sayahat Time (balbal.kz).

Foto: Soltan Jeksenbekov/ Kazinform