«Úrker» syılyǵy «Qazaq» gazetiniń 105 jyldyǵyna arnalady
«Ótken jyly Aqparat jáne kommýnıkatsııalar mınıstrligi «Tumar» jáne «Úrker» syılyqtaryn taǵaıyndaǵan bolatyn. Bıyl naýryz aıynda ótken «Tumar» ulttyq syılyǵy qazaq televızııasynyń 60 jyldyǵyna arnalǵan edi. Al «Úrker» syılyǵyn bıyl biz «Qazaq» gazetiniń 105 jyldyǵyna arnaýdy josparlap otyrmyz. Bul gazettiń otandyq jýrnalıstıkada alatyn ornynyń erekshe ekendigin bilesizder», - dedi ol.
Osy rette vıtse-mınıstr ótken jyly «Úrker» baıqaýy joǵary dárejede ótip, konkýrsqa 700-ge jýyq ótinim túskenin eske saldy.
Al «Qazcontent» AQ tóraǵasy Evgenıı Kochetovtiń aıtýynsha, bıyl baıqaý 12 nomınatsııa boıynsha ótedi jáne taǵy bir ekperımenttik nomınatsııa qosylyp otyr.
«Nomınatsııalar týraly kóp oılandyq. Eń úzdik blogerler men vaınerlerdi, sondaı-aq eń tanymal pablık pen jyl haıpyn anyqtasaq degen oı bar. Ádil bolsyn degen nıetpen oqyrmandar ózderi tańdasyn degen sheshimge keldik. Sol sebepti qosymsha qandaı nomınatsııa bolatynyn daýys berý arqyly anyqtamaqpyz. Munyń eshqandaı qıyndyǵy joq, tek urker.el.kz saıtyna kirip, qaı nomınatsııany qoldaıtynyńyzdy daýys berý arqyly tańdaı alasyz», - dedi Evgenıı Kochetov.
Onyń sózine qaraǵanda, «Úrker» baıqaýyna qatysý úshin el.kz. saıtyna úzdik fotosýret, úzdik reportaj, úzdik saraptamalyq materıal, úzdik jýrnalıstik zertteý, úzdik suhbat, Qazaqstan týraly úzdik tanymdyq materıal, úzdik halyqaralyq taldamaly materıal, úzdik óńirlik radıostansa, úzdik óńirlik merzimdi basylym, úzdik qazaqstandyq radıostantsııa, úzdik ınternet-basylym, úzdik respýblıkalyq merzimdi basylym nomınatsııalary boıynsha ótinishter jiberý kerek.
Aıta keterligi, qazylar alqasy quramyna tanymal qoǵam qaıratkerleri men shyǵarmashylyq zııaly qaýym ókilderi, jýrnalıstıka salasynyń maıtalman mamandary kiredi. Baıqaýdyń laýreaty atanǵan jýrnalısterge estelik músin men qarjylaı júldeler tabystalady. Árbir jeńimpaz 1 000 000 teńge kóleminde aqshalaı syılyq pen dástúrli estelik músinge ıe bolady. Baıqaýǵa shyǵarmashylyq jumystary 2017 jyly jarııalanǵan baspasóz redaktsııalary men ınternet-BAQ ókilderi, sondaı-aq radıostantsııalardyń jýrnalısteri qatysa alady.