«URKER-2022»: Jeńimpaz jýrnalısterdiń esimi belgili boldy

ASTANA. QazAqparat – Baspa, radıo, ınternet-jýrnalıstıka salasyndaǵy «URKER-2022» ulttyq báıgesinde baǵy janǵan jýrnalısterdiń esimi belgili boldy, dep habarlaıdy QazAqparat tilshisi.

Marapattaý saltanatyn QR Aqparat jáne qoǵamdyq damý mınıstri Darhan Qydyráli QR Prezıdenti Qasym-Jomart Toqaevtyń Astana Media Week forýmyna qatysýshylarǵa joldaǵan quttyqtaý hatyn oqyp ashty.

Bıylǵy báıgede baspa jáne ınternet-jýrnalıstıka salasyndaǵy jýrnalıster 6 atalym boıynsha baq synady.

Jeńimpazdardyń tizimi mynadaı:

«Jyldyń úzdik suhbaty: Aıa Ómirtaı – Halyq-uni.kz.

«Jyldyń úzdik reportajy»: Anar Qonys – Aikyn.kz.

Áleýmettik taqyryptaǵy úzdik materıaly: Naıma Nuráli – Halyq-uni.kz.

Jyldyń úzdik fotosýreti: Meıirbek Tajkýranov – Zakon.kz.

Jyldyń úzdik jýrnalıstik zertteýi: Qazbek Quttymuratuly - «Egemen Qazaqstan» respýblıkalyq gazeti.

Jyldyń úzdik analıtıkalyq materıaly: Valentına Qozybaqova – «Mańǵystaý» gazeti.

Halyqaralyq taqyryptaǵy úzdik materıaly: Saýle Isabaeva – Qmonitor.kz.

Jeńimpazdarǵa «URKER» estelik músinshesi jáne 1 mıllıon teńge mólsherindegi aqshalaı syılyq tabystaldy.

Keshe 13 nomınatsııa boıynsha iriktelgen fınalısterdiń esimi jarııalanǵan bolatyn.

Uıymdastyrýshylar usynǵan derek boıynsha bıyl bul báıgege 544 ótinim túsken. Ótinimderdiń kóbi «Áleýmettik taqyryptaǵy úzdik materıal», «Jyldyń úzdik suhbaty», «Jyldyń úzdik analıtıka materıaly» jáne «Jyldyń úzdik reportajy» nomınatsııalary boıynsha túsken.

Sol ótinimderdiń ishinen 52 nomınant iriktelgen bolatyn. Qazylar alqasy búgin solardyń ishinen «URKER-2022» syılyǵyna laıyq dep tapqan jýrnalısterdiń esimin anyqtady. Qazylar alqasynyń ár atalym boıynsha jasaqtalǵan quramyn myna jerden kórýge bolady.