«URKER-2022» ulttyq syılyǵyn tapsyrý saltanaty bastaldy

ASTANA. QazAqparat – Baspa, radıo jáne ınternet-jýrnalıstıka salasyndaǵy «URKER-2022» ulttyq báıgesiniń jeńimpazdaryn marapattaý saltanaty bastaldy, dep habarlaıdy QazAqparat tilshisi.

Shara «Qazmedıa» ortalyǵynda, Astana Media Week forýmynyń aıasynda ótip jatyr.

Uıymdastyrýshylar usynǵan derek boıynsha bıyl bul báıgege 544 ótinim túsken. Ótinimderdiń kóbi «Áleýmettik taqyryptaǵy úzdik materıal», «Jyldyń úzdik suhbaty», «Jyldyń úzdik analıtıka materıaly» jáne «Jyldyń úzdik reportajy» nomınatsııalary boıynsha túsken.

Sol ótinimderdiń ishinen 52 nomınant iriktelgen bolatyn. Qazylar alqasy búgin solardyń ishinen «URKER-2022» syılyǵyna laıyq degen jýrnalısterdiń esimin anyqtady. Qazylar alqasynyń ár atalym boıynsha jasaqtalǵan quramyn myna jerden kórýge bolady.

Jeńimpazdarǵa «URKER» estelik músinshesi jáne 1 mıllıon teńge mólsherinde aqshalaı syılyq tabystalady.

Buǵan deıin habarlaǵanymyzdaı, «Úrker» ulttyq syılyǵyna bıyl 150 jyldyǵy atalyp ótip jatqan, qazaq baspasóziniń negizin qalaýshylardyń biri Ahmet Baıtursynuly atyndaǵy nomınatsııa engizildi.

Keshe 13 nomınatsııa boıynsha iriktelgen fınalıster tizimi jarııalanǵan bolatyn.