«URKER-2022»: Ahmet Baıtursynov atyndaǵy arnaıy syılyq ıegeri belgili boldy

ASTANA. QazAqparat – Baspa, radıo, ınternet-jýrnalıstıka salasyndaǵy «URKER-2022» ulttyq báıgesinde arnaıy syılyq ıegerleri marapattaldy, dep habarlaıdy QazAqparat tilshisi.

Qazylar alqasynyń sheshimi boıynsha «URKER-2022» ulttyq syılyǵynyń aıasyndaǵy arnaıy syılyqtar myna jýrnalısterge buıyrdy.

Batyr Qazybaev atyndaǵy arnaıy premııa: Áıgerim Begimbet – Ernur.kz.

Sherhan Murtaza atyndaǵy arnaıy premııa: Qalı Sársenbaı – «Ana tili» gazeti.

Ahmet Baıtursynov atyndaǵy arnaıy premııa: «Qyrǵyz ádebıeti» jobasy – «Tań-Sholpan» jýrnaly.

Jeńimpazdarǵa «URKER» estelik músinshesi jáne 1 mıllıon teńge mólsherindegi aqshalaı syılyq tabystaldy.

Keshe 13 nomınatsııa boıynsha iriktelgen fınalısterdiń esimi jarııalanǵan bolatyn.

Uıymdastyrýshylar usynǵan derek boıynsha bıyl bul báıgege 544 ótinim túsken. Ótinimderdiń kóbi «Áleýmettik taqyryptaǵy úzdik materıal», «Jyldyń úzdik suhbaty», «Jyldyń úzdik analıtıka materıaly» jáne «Jyldyń úzdik reportajy» nomınatsııalary boıynsha túsken.

Sol ótinimderdiń ishinen 52 nomınant iriktelgen bolatyn. Qazylar alqasy búginsolardyń ishinen «URKER-2022» syılyǵyna laıyqdep tapqan jýrnalısterdiń esimin anyqtady. Qazylar alqasynyń ár atalym boıynsha jasaqtalǵan quramyn myna jerden kórýge bolady. https://urker-awards.kz/