«Úrker-2020» Ulttyq syılyǵyna ótinim qabyldaý bastaldy
Ulttyq syılyq baspa, radıo, ınternet-jýrnalıstıka salasyndaǵy úzdik jetistikteri úshin beriledi, jýrnalıstıka mártebesin arttyrýǵa, ony nasıhattap ereksheleıtin kásibı standarttar men krıterılerdi bekitýge baǵyttalǵan. Konkýrs maqsaty – talantty jýrnalıster men shyǵarmashylyq ujymdardy anyqtaý, olardyń kásibı jýrnalıstıkany damytýǵa qosqan úlesterine qurmet kórsetý.
Báıgege kontentti óndiretin jáne taratatyn respýblıkalyq jáne óńirlik radıostantsııalar, baspa jáne ınternet-basylymdar qatysa alady.
Aǵymdaǵy jyly bolǵan álemdik ózgeristerge baılanysty «Úrker» Ulttyq syılyǵy kúz maýsymynda ótkiziledi. Ótinimder 2020 jyldyń 02 qazanynan 2 qarashasyna deıin qabyldanady.
Konkýrstyq jumystarǵa qoıylatyn talaptar:
- jumystar 2019 jyldyń 1 qańtary men 2020 jyldyń 1 qarashasy aralyǵynda jarııalanýy tıis;
- jumystar baspa basylymynda, ınternet-resýrsta jarııalanýy nemese radıoefırde shyǵýy tıis.
«Úrker-2020» Ulttyq syılyǵynyń jeńimpazdaryn marapattaý rásimi onlaın formatta 2020 jyldyń 13 qarashasynda ótedi.
Bıylǵy jyly «Úrker - 2020» syılyǵy 11 nomınatsııa boıynsha marapattalady:
1. Jyldyń úzdik fotosýreti;
2. Jyldyń úzdik reportajy;
3. Jyldyń úzdik analıtıkalyq materıaly;
4. Jyldyń úzdik jýrnalıstik zertteýi;
5. Jyldyń úzdik suhbaty;
6. Jyldyń úzdik tanymdyq materıaly;
7. Radıostantsııadaǵy úzdik joba;
8. Jyldyń úzdik jańalyqtar portaly;
9. Jyldyń úzdik gazeti;
10. Jyldyń úzdik jýrnaly;
11. Sherhan Murtaza atyndaǵy Nomınatsııa.
Bıylǵy jyly pýblıtsısterge jeke nomınatsııa arnaldy. Nomınatsııa Sherhan Murtazanyń qurmetine ataldy . Sherhan Murtazanyń esimimen tek qazaq ádebıeti ǵana emes, otandyq jýrnalıstıka da baılanysty. Qazaqstandyq pýblıtsıstıka salasynyń maıtalmany kásibı jýrnalısterdiń birneshe býynyn tárbıelegen edi. Búgingi qoǵam ómiriniń ózekti máseleleri men qubylystaryna óz jumystaryn arnaǵan avtorlar atalmysh nomınatsııaǵa úmitker bola alady. Materıaldar baspa nemese ınternet-basylymdarda qazaq nemese orys tilderinde jarııalanýy tıis.
Baıqaý jumystaryn bedeldi jýrnalıster, salanyń eńbek sińirgen qaıratkerleri jáne halyqaralyq medıa sarapshylardan quralǵan táýelsiz qazylar alqasy baǵalaıdy.
Konkýrs qorytyndysy boıynsha ár nomınatsııanyń úzdik ókiline jeńimpaz ataǵy berilip, « Úrker-2020 « estelik músinshesi jáne 1 mln teńge mólsherindegi aqshalaı syı tabystalady. Konkýrsqa qatysý úshin úmitkerler https://urker-awards.kz/ru/ resmı saıtyndaǵy tıisti ótinimdi toltyrýy qajet.