Uryqtandyrýdy utymdy júrgizse utarymyz mol – AShM

<p>ASTANA. KAZINFORM &ndash; Elimizde sútti jáne sútti-etti mal sharýashylyǵynda asyl tuqymdy buqanyń uryǵyn satyp alýǵa sýbsıdııa qarastyrylǵan. Shetelden ushaqpen maldy tasyp áýre bolǵysy kelmegender uryqty utymdy paıdalanyp otyr.</p>

Budan bólek, asyl tuqymdy ortalyqtardyń, asyl tuqymdy janýarlardyń uryǵy men embrıondaryn ótkizý jónindegi dıstrıbıýterlik ortalyqtardyń jáne uryqtandyrýshy-tehnıkterdiń taýar óndirýshilerdiń jáne aýyl sharýashylyǵy kooperatıvterindegi iri qara maldyń analyq basyn qoldan uryqtandyrý boıynsha kórsetken qyzmetteriniń qunyn sýbsıdııalaý tetikteri qarastyrylǵan.

«Qazirgi ýaqytta agroqurylymdarda sútti jáne sútti-etti baǵyttaǵy iri qara maldy qoldan uryqtandyrýmen qamtý úlesi 60-70 paıyzdy quraıdy. ıAǵnı, bul ádis mal sharýashylyǵynda keńinen qoldanylyp keledi. Ekonomıkalyq turǵydan paıdasy kóp. Búginde elimizge shet elderden joǵary ónimdi asyl tuqymdy buqalardan alynǵan sapaly uryq ákelinýde», - dedi QR aýyl sharýashylyǵy mınıstrliginiń baspasóz qyzmeti agenttik tilshisine bergen jaýabynda.

2022 jyly etti jáne sútti baǵyttaǵy iri qara sharýashylyǵyn damytýǵa 60 mlrd teńge qarajat bólinse, 2023 jyly shamamen 70 mlrdtan astam qarajat qarastyrylǵanyn atap ótken jón.