UOS ardagerleri kólik polıtseıleriniń jaýyngerlik botqasynan dám tatty
Ol qalyptasqan dástúr boıynsha «Máńgilik umytylmas esimder» eskertkishine gúl shoqtaryn qoıýdan bastaldy. Ekinshi dúnıejúzilik soǵys pen ishki ister organdarynyń ardagerleri, sondaı-aq departament qyzmetkerleri qan maıdanda qaza bolǵan jaýyngerlerdi bir sát únsizdikpen eske aldy.
«Biz búgin surapyl soǵysta eren erligimen, jankeshti eńbegimen jáne qaıtpas qaısar tabandylyǵymen urpaqtaryna beıbit ómir syılaǵan qaharmandarymyzdy qurmetpen eske alamyz. El muraty jolynda qurban bolǵan bozdaqtarymyzdyń óshpes rýhy aldynda basymyzdy ıip, olardyń jaýjúrek batyrlyǵyn ul-qyzdarymyzǵa dáripteımiz», - dedi saltanatty jıyndy ashqan departament bastyǵy Amanjol Qabylov.
Ol jıynǵa arnaıy qurmetpen shaqyrylǵan barsha ardagerlerdi eń úlken merekemen shyn júrekten quttyqtap, olarǵa myqty densaýlyq, uzaq ómir tiledi. Sondaı-aq, Amanjol Jaıǵalıuly 7 mamyrdyń - memleket qaýipsizdigin nyǵaıtý jolynda Otanǵa qaltqysyz qyzmet etip, elimizdiń kemel keleshegi úshin súbeli úles qosyp júrgen azamattar men týǵan elin súıgen naǵyz patrıottardyń merekesi ekendigin de atap ótti.
«Aldaǵy ýaqytta da bizdiń polıtseılerdiń qoǵam tynyshtyǵy men el birligin qamtamasyz etý isine aıanbaı qyzmet etetine senimdimin»,- dedi polıtsııa polkovnıgi.
Sharanyń jarqyn kórinisteriniń biri - departament ǵımaraty aýmaǵynda áskerı shatyrdyń boı kóterýi boldy. Tósterine medaldar men ordender taqqan qadirli qonaqtar merekelik dastarhannan dala ashanasynda ázirlengen jaýyngerlik botqadan dám tatty. Al quıqyljyta oryndalǵan áýezdi ánder jınalǵandardyń kóńilin sergitip, merekege erekshe shyraı berdi.
Uly mereke qarsańynda 30-dan asa ІІO ardagerleri men tyl eńbekkerlerine gúl shoqtary berilip, basqa da zor syı-syıapat kórsetildi. Sondaı-aq, óz qyzmettik mindetterin úlgili oryndap júrgen 94 kólik saqshylary QR ІІM men departamenttiń medaldarymen, gramotalarymen marapattaldy.
Saltanatty jıynǵa qatysa almaǵan barsha ardagerlerdiń syılyqtary olardyń úılerine jetkizilip berildi.
Kóliktegi ІІD-de Uly Jeńistiń 72-jyldyǵyn 5 EDS-qa qatysýshysy, 59 tyl eńbekkerleri men soǵysǵa UOS ardagerleriniń jesirleri atap ótýde. Olarǵa departamentten 700 myńnan asa teńge kóleminde qarajat bólindi. Sondaı-aq, bıylǵy jyly kólik polıtseıleri ózderiniń bir kúndik jalaqysyn ardagerler qoryna aýdardy.