UOS ardageri jas polıtseılerge qyzmet kýáligin tabystady (FOTO)
Jas quqyq qorǵaýshylarǵa qyzmettik qujatty qalalyq ІІD ardagerler keńesiniń eks-tóraǵasy, UOS ardageri Orynǵalı Esenǵazıev tabystady.
«9 mamyr - jeńis kúni árqaısymyzdyń júregimizde saqtalady. Jeńis kúnin toılaý tek qana dástúr emes, bizdiń azat ómirimiz úshin janyn pıda etkenderge alǵys bildirý, olardyń rýhynyń aldynda taǵzym etý. Sondyqtan, búgin osy mereke qarsańynda ІІD dańq mýzeıine jınalyp, saltanatty jaǵdaıda jas jetkinshekterge alǵashqy qyzmet kýáligin tabystap otyrmyz», - dedi qalalyq ІІD mamandarmen jumys basqarmasynyń basshysy Oraz Joldasov.
Al ardagerge qalalyq ІІD atynan alǵys hat berildi.
«Qurmetti Orynǵalı Esenǵazyuly! Siz surapyl soǵys jyldarynda muz jastanyp, qar jamylyp júrip, erlik kórsettińiz. Soǵystan keıingi jyldarda da qylmyspen kúreste úlken eńbek sińirdińiz. Búginde qurmetti demalysta bola tura jastardy tárbıeleýde óz úlesińizdi qosyp jatyrsyz. Siz tek Almaty polıtsııasynyń ǵana emes, barlyq respýblıkalyq quqyq qorǵaý organdarynyń maqtanyshyna aınaldyńyz», - dedi Joldasov.
Shara sońynda jınalǵandar qyzmet barysynda qaza bolǵan polıtseılerge arnalǵan eskertkishke gúl qoıyp, qurmet kórsetti.