UOK prezıdenti Azııa oıyndarynyń júldegerlerin quttyqtady

ASTANA. QazAqparat - Qazaqstan Respýblıkasy Ulttyq Olımpıadalyq komıtetiniń prezıdenti Tımýr Qulybaev Sapporodaǵy VIII qysqy Azııa oıyndaryna qatysýshylardy Azıadanyń sátti aıaqtalýymen quttyqtady, denp habarlaıdy komıtettiń baspasóz qyzmeti.

UOK prezıdentiniń quttyqtaý xatynda medal jeńip alyp, sport saıystarynda joǵary nátıje kórsetken sportshylarǵa alǵys aıtylady.

«Sizderdiń Sapporodaǵy senimdi ári jemisti óner kórsetýlerińiz qazaqstandyq jankúıerlerge úlken syılyq boldy. Sizderdiń jeńisterińiz qazaqstandyq jas sportshylardyń zor áleýeti men bolashaǵyn dáleldep berdi. Sizderdiń boılaryńyzdaǵy sheberlik, jigerlilik, qaısar minez xalyqaralyq arenada bizdiń eldiń namysyn abyroımen qorǵaýǵa múmkindik berdi. Daryndy sportshylar osy jeńisteriniń arqasynda esimderin Qazaqstandyq joǵarǵy jetistikter sporty tarıxynyń taǵy bir jarqyn paraǵyn jazyp otyr. Osynaý jetistikke jetýde sportshylardyń daıyndyǵyna zor úlesterin qosqan jattyqtyrýshylar men mamandardyń da eńbegi zor. Biz Sizderdi shyn júrekten quttyqtap, aldaǵy jarystarda sáttilik tileımiz!», - dedi Tımýr Qulybaev.

2017 jylǵy Sapporodaǵy VIII qysqy Azııa oıyndarynda Qazaqstan 9 altyn, 11 kúmis, 12 qola medal jeńip alyp, jalpy esepte 4-shi oryn aldy.