UOK ókilderi Harbın qysqy Azııa oıyndaryna daıyndyq semınaryna qatysty
Semınar barysynda aldaǵy Azıadany uıymdastyrý komıtetiniń ár bólimi týrnırge daıyndyq qaı deńgeıde júrgizilip jatqany týraly baıandama jasady.
«Harbın Azııa oıyndaryn ótkizý quqyǵyn bir jyl buryn alsa da, sport nysandary qazirdiń ózinde sportshylardy qabyldaýǵa daıyn. Uıymdastyrý komıtetiniń quramyna 2022 jylǵy Beıjińdegi Olımpıadada jáne 2022 jylǵy Hanchjoýdaǵy Azııa oıyndarynda jumys istegen adamdar endi. Azııa árdaıym keshendi jarystardy joǵary deńgeıde ótkizedi. Sondyqtan biz Harbınde ótetin 2025 jylǵy qysqy Azııada oıyndarynyń uıymdastyrylýy esh qıyndyqsyz ótetinine senimdimiz. Uıymdastyrý komıtetimen kúndelikti baılanystamyz, sebebi aqparat udaıy jańartylyp otyrady», - dedi Bektur Qııatbaı.
Semınardan bólek UOK qyzmetkerleri jeke kezdesý ótkizip, onda uıymdastyrýǵa qatysty máseleler, atap aıtar bolsaq, negizgi merzimder, logıstıka, turatyn jerlerdiń jaǵdaılary, júk tasymaldaý jáne sporttyq jabdyqtardy rásimdeý máseleleri talqyǵa salyndy.
Aıta ketelik, Harbın Azııa oıyndaryn ótkizý quqyǵyna ekinshi márte ıe bolyp otyr. 2025 jylǵy mýltısporttyq oqıǵa aqpan aıynyń 7-14 aralyǵynda ótedi. Jarystar aıasynda sportshylar 12 sport túri boıynsha 64 medal jıyntyǵyn talasqa salady.