Ýnıversıtetti lıtsenzııadan aıyrmaý úshin qomaqty qarjy suraǵan alaıaq ustaldy – Antikor

NUR-CULTAN. QazAqparat – Alaıaq birneshe ret adamdardy qomaqty somaǵa aldaǵan. Tergeý barysynda is boıynsha qylmys jasaýdyń 6 epızody tirkeldi. Bul týraly Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov aıtty, dep habarlaıdy QazAqparat tilshisi.

«Sybaılas jemqorlyqqa qarsy qyzmet alaıaqqa qatysty tergeý amaldaryn aıaqtady. Ol ózin Sybaılas jemqorlyqqa qarsy qyzmetqyzmetkeri retinde tanystyryp, aldaý jolymen túrli máselelerdi sheshetinin aıtyp, 15-ten 30 myń AQSh dollaryna deıin jáne 30 mln-nan 60 mln teńgege deıin aqsha alǵan. Jalpy is boıynsha qylmys jasaýdyń 6 epızody tirkeldi», - dedi Danııar Bekaıdarov Antikor ortalyǵynda ótken brıfıngide.

Onyń aıtýynsha, ýnıversıtettiń bilim berý qyzmetimen aınalysýǵa lıtsenzııadan aıyrmaý úshin Bilim jáne ǵylym mınıstrliginiń komıssııasymen máseleni sheshetinin jeleý etip, 30 myń dollar jáne 60 mln teńge qarajat alǵan.

Munymen qosa, jeke kompanııanyń paıdasyna máseleni oń sheshpek bolyp 15 myń dollar, Nur-Sultan qalasynyń ákimdigine jumysqa ornalastyratyny úshin 25 myń dollar alǵany belgili boldy.