Ýnıversıtetter sýperkompıýter satyp alýǵa qansha aqsha jumsady – Jaslan Mádıevtiń jaýaby

<p>ASTANA. KAZINFORM &ndash; Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev Úkimet otyrysynan keıin ótken baspasóz máslıhatynda&nbsp; JOO-lar sýperkompıýter satyp alýǵa bıýdjet qarajaty jumsamaǵanyn aıtty.</p>

- Mendegi aqparat boıynsha, qarajat grant túrinde berilgen. ıAǵnı, memlekettik bıýdjetten sýperkompıýter satyp alýǵa aqsha bólingen joq, - dedi ol jýrnalıst suraǵyna bergen jaýabynda.

Mınıstrdiń aıtýynsha, bul sýperkompıýterler ǵylymı deńgeıde ǵana qoldanýǵa jaramdy.

- Shynymen de qazir ýnıversıtetterde qýaty 1,5-2 petaflops bolatyn shaǵyn esepteý kózderi bar. Olar ǵylymı synaqtarǵa arnalǵan. Stýdentterdiń jasandy zeıin salasyndaǵy mashyqtaryn jetildirýge qoldanylyp otyr. Ol qýattar memlekettik servısterdi jasandy zeıin bazasynda iske qosýǵa jetkiliksiz. Biraq joqtan bar jaqsy. Buǵan deıin stýdentter tek teorııalyq turǵyda ǵana bilim alyp jatqanyn synap júrdik qoı. Olar endi ózderi jasaǵan kodtardy synaqtan ótkizý úshin ýnıversıtetter janyndaǵy sýperkompıýterlerdi «polıgon» retinde paıdalanyp jatyr, - dedi Jaslan Mádıev.

Aıta keteıik, Úkimettiń kóshpeli otyrysynda Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev memlekettik qyzmetterdi onlaın kórsetýge jasandy zeıindi qalaı engizip jatqanyn baıandady.