Ýnıversıtetter sanyn qysqartý qajet - Memleket basshysy

ASTANA. QazAqparat - Qazaqstanda ýnıversıtetter sanyn qysqartý qajet. Bul týraly búgin «Jańa gýmanıtarlyq bilim. Qazaq tilindegi 100 jańa oqýlyq» jobasy aıasynda jaryq kórgen kitaptardyń tanystyrylymynda Elbasy Nursultan Nazarbaev aıtty, dep habarlaıdy QazAqparat.

«Qazir mınıstrlikke kúnde kelip, ýnıversıtet ashaıyq deıdi. Qaltasyna aqsha tússe ýnıversıtet ashýǵa umtylady. Bizde 130 ýnıversıtet bar, ony qysqartý kerek. Bizge onyń sany emes, sapasy qajet. Qazir reıtıng júrgiziledi. Reıtıng júrgizilgen kezde ІT-tehnologııadan, jańashyldyqtan, tehnıkadan, ınjenerlikten qalaı degen kezde barlyq úlken ýnıversıtetterimiz artta qaldy. Jaı jeke ýnıversıtetter aldyǵa shyqty. Osy jaǵdaıdan keıin myna ýnıversıtetter ózinen-ózi qalady. Sebebi biz olarǵa grant bere almaımyz», - dedi Nursultan Nazarbaev.

Memleket basshysy ýnıversıtetter saqtalyp qalamyn dese zamanǵa saı bolýy tıistigin qatań eskertti.

«Biz jastarǵa qur ásheıin dıplom alý úshin oqymaý kerektigin aıtýǵa tıispiz. Kezinde ol zamannan da ótkenbiz. Qaltasynda birneshe dıplom bolǵanymen jaı júrgen, jumys taba almaı júrgen qanshama azamat bar. Sondyqtan mysaly ýnıversıtettiń 4- kýrsynan bastap stýdentterdi 80-85 paıyzyn bıznes adamdary jumysqa tartyp alatyn bolsa, onda ol naǵyz ýnıversıtet», - dep atap ótti QR Prezıdenti.