Ýnıversıtetter aqyly oqıtyn stýdentterdi jataqhanamen qamtýǵa mindettele me

<p>Joǵary oqýǵa aqyly negizde túsken stýdentterdi jataqhanamen qamtamasyz etý ýnıversıtetterdiń mindetine jatpaıdy. Al memleket grant usynǵan tegin oqıtyn stýdentterdi jataqhanamen qamtýǵa mindettelgen. Bul ádiletsizdik emes pe? Jibek Joly arnasynyń <a href="https://www.youtube.com/watch?v=GE2B7Qid-hw" target="_blank" rel="noopener">&laquo;Ýáde&raquo;</a> baǵdarlamasyna suhbat bergen Ǵylym jáne joǵary bilim mınıstri Saıasat Nurbekke osyndaı suraq qoıyldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

«Bizde keıingi 40-50 jylda jınalyp qalǵan jataqhana tapshylyǵy bar. Osy máseleni qabyldap alǵan kezde, byltyr tamyz aıynda 87 myń tósek oryn tapshylyǵy bolǵan. Úsh baǵytta jumys istep kele jatyrmyz. Birinshi baǵyt — sýbsıdııa normatıvterin tolyqqandy ózgertip, eki ese kóterdik. Sonyń arqasynda jeke qurylys kompanııalaryn, merdigerlerdi belsendi tartyp jatyrmyz. Joǵary oqý oryndarymen ushtastyratyn — bizdiń qarjy ortalyǵy. Úshjaqty nemese ekijaqty kelisimshartty bir aıdyń ishinde ǵana bekitemiz. Óte jeńildetilgen modelmen jumys istep otyrmyz. Negizgi tapshylyq Almaty men Astanada — 25 myńǵa jýyq oryn jetpeıdi. Óńirler arasynda Aqmola, Túrkistan, Soltústik Qazaqstan oblystarynda tapshylyq bar. Qalǵan óńirlerdiń keıbirinde tipti profıtsıt baıqalyp otyr», — deıdi Saıasat Nurbek.

Mınıstr jataqhana tapshylyǵy aldaǵy 2-3 jylda tolyqqandy sheshiletinin aıtty.

«Ol másele bylaı. Aqyly oqýǵa túskenderge ýnıversıtet jataqhana usynýǵa mindetti bolmaýy ádiletsiz degenge kelisem. Biraq máselege eki turǵydan qaraý kerek. Jetim balalardy, shalǵaı aýyldan kelgen mektep túlekterin, kópbalaly otbasynan shyqqan stýdentterdi bıyldan bastap jeke sanat retinde eskerip otyrmyz. Bıyl olarǵa aı saıyn 100 myń teńge tólep bastadyq. Oǵan páter jaldaı ma, jataqhanadan oryn jaldaı ma —  ózderi biledi. Al negizi jataqhanaǵa qol jetkizýdegi ádiletsizdik máselesin jeke sektor arqyly ǵana sheshýge bolady. Mysaly, Túrkııa, Indonezııa sııaqty elder jataqhanalardy túgel jeke menshikke bergen. Eń tıimdi joly osy bolady», — dedi Saıasat Nurbek.