Ýnıversıadanyń jabylý saltanatynda Almatynyń birqatar kósheleri jabylady

ALMATY. QazAqparat - Almaty polıtsııasy Ýnıversıada-2017 jabylý saltanatynda jol qozǵalysy shekteletin baǵyttar týraly habardar etedi.

«2017 jyly 8 aqpan kúni saǵat 13:00-den bastap, saltanatty rásimniń aıaqtalatyn ýaqytyna deıin Momyshuly kóshesiniń Rysqulov dańǵyly men Aqyn Sara kósheleriniń arasyndaǵy bóligi eki baǵytta da jabyq bolady», - delingen Almaty ІІD-niń taratqan habarlamasynda.

Sonymen qatar polıtseıler azamattarǵa jol marshrýttaryn aldyn ala josparlaýǵa jáne jol erejelerin qatań ustaýǵa shaqyrady.

Almaty ákimdiginiń habarlaýynsha, 8 aqpan kúni ótetin Ýnıversıadanyń jabylý saltanatynda «Almaty Arenaǵa» jankúıerler men meımandardy jetkizý kezinde qosymsha marshrýttar jasaqtalady.

Arnaıy kólikter qalanyń eki jerinde qyzmet kórsetpek, avtobýstar 15.00-17-30 saǵatta qatynaı bastaıdy.

1. Ortalyq Stadıon - «Almaty Arena» muz kesheni;

2. Astana Alańy (QBTÝ) - «Almaty Arena» muz kesheni.

Júrý aqysy - 100 teńge.