Ýnıversıadaǵa 8,5 tonnadan astam kámpıt daıyndaldy
Ýnıversıadanyń qajettiligi úshin 8,5 tonna shokoladtar, vaflıler jáne pecheneler usynylatyny belgili boldy. «Rahat» kondıter ónimderin shyǵaratyn belgili ulttyq brendimiz bolǵandyqtan, Ýnıversıada qonaqtary onyń ónimderinen dám tatýǵa múmkindik alatyn bolady.
Bizdiń elimizden «Qazaqstan» dástúrli shokoladyn kádesyı retinde alyp ketedi dep úmittenemiz. 8,5 tonnadan astam shokoladtar, vaflıler jáne pecheneler Ýnıversıadaǵa beriledi. Eki tonnadan astamy qatysýshylardy tamaqtandyrýǵa arnalsa, al qalǵan bóligi sporttyq nysandarda ótetin baspasóz máslıhattary men resmı is-sharalar barysynda tutynylatyn bolady.
«Dr. Web» kompanııasymen seriktestik jasaǵanymyzǵa qýanyshtymyz. Atalmysh kompanııa aldaǵy oıyndarda aqparattyq qaýipsizdikpen qamtamasyz etedi. 2011 jyly 7-shi Azııa oıyndarynda osy kompanııamen jumys istegenbiz», - deıdi 28-shi qysqy Ýnıversıada-2017 uıymdastyrý jáne ótkizý dırektsııasy basshysynyń orynbasary Kamılla Luqpanova.
Eske sala keteıik, Ýnıversıada Almaty qalasynda 2017 jyldyń 29 qańtary men 8 aqpany aralyǵynda ótedi. Jarysqa álemniń 55 memleketinen keletin 2 myńǵa jýyq sportshylar qatysady. Bul saıys 8 nysanda sporttyń 12 túrinen ótedi. Barlyǵy 543 medal oınatylady. Sondaı-aq, 3 myń eriktiler men 30 myń otandyq jáne sheteldik týrıster keledi dep kútilýde.