Ýnıversıadada Atyraýdyń namysyn qostanaılyqtar qorǵaıdy

ATYRAÝ. QazAqparat - Dúnıejúzilik qysqy Ýnıversıadaǵa Atyraý oblysynan short-trek boıynsha úsh sportshy qatysatyn boldy. Olar: qostanaılyq Denıs Nıkısha, Olga Tıhonova jáne koreıalyq Kım En A, - dep habarlaıdy «QazAqparat» HAA tilshisi.

Qostanaılyqtardyń Atyraýda jattyǵyp, oblystyń atynan jarystarǵa shyǵyp júrgenderine bir jyldaı bolǵan. Qazirgi kezde bul sportshylar maýsym aıynan beri Astana qalasyndaǵy zamanaýı tehnologııalarmen jabdyqtalǵan «Saryarqa» muz aıdynynda jattyǵýda. Denıs Nıkısha short-trekten Sochıde ótken qysqy Olımpıadanyń tórtinshi oryn ıegeri. Jıyrma bir jasar sportshynyń short-trekpen aınalysqanyna bıyl onynshy jyl. Denıs Nıkıshanyń aıtýynsha, bul sport túri boıynsha myqty qarsylastar Qytaı jáne Koreıa elinen keledi. Alaıda, atyraýlyq sportshylardyń da daıyndyǵy osal emes.

  

- Ózimizdiń eldegi jarys bolǵandyqtan barlyq jankúıerlerdiń nazarynda bolamyz. Sondyqtan qazaqstandyqtardyń úmitin aqtaýǵa bar kúshimdi salamyn, - deıdi sportshy qyz Olga Tıhonova. 

Short-trek - hokkeı alańynyń ishinde jarys qashyqtyǵyn maksımaldy jyldam baǵyndyrýǵa baǵyttalǵan konkımen jyldamdyqqa júgirýdiń bir túri. Munda sportshylarymyz jeke jáne estafetalyq túrde baǵyn synaıdy. 

 

Eske sala keteıik, kúni búginge deıin halyqaralyq qysqy ýnıversıada oıyndarynda qazaqstandyq stýdentter 125 medal enshilegen. Olardyń 35 - altyn, 39 - kúmis.

Al, Ýnıversıada-2017 qysqy oıyndary TMD elderiniń ishinde Qazaqstanda eń alǵashqy bolyp ótkizilgeli otyr.

 

Erdos Qasym