Ýnıversıada júldegeri Rınat Mýhınniń bapkerlerine páter berildi
Rınatty onyń ata-anasy - shańǵy jarysynan joǵary sanattaǵy bapkerler Aleksandr men Saýle Mýhınalar jattyqtyrady. Olarǵa SQO ákimi Erik Sultanov 3 bólmeli páterdiń kiltin tabys etti.
Rınat Mýhın óńir basshysynyń alǵys hatymen jáne qarjylaı syıaqymen marapattaldy.
28-shi qysqy Ýnıversıadada Soltústik Qazaqstan oblysynyń namysyn konkıshi Roman Krech, Tatıana Klımchýk, Ivan Arjannıkov, Fedor Andreev, Svetlana Maltseva, shańǵyshy Rınat Mýhın men kerlıngten QR quramasynyń múshesi Dmıtrıı Garagýl qorǵady.
Saıys nátıjesi boıynsha konkıshi Roman Krech 500 metrlik qashyqtyqta jetinshi oryndy alyp, 1000 metrlik qashyqtyqtyń qorytyndysynda segizinshi oryndy ıelendi. Tatıana Klımchýk 5000 metr, 3 shaqyrym dıstantsııany besinshi bolyp aıaqtap, úzdik ondyqqa ilikti.
Birneshe kúnnen keıin Japonııanyń Sapporo qalasynda 8-shi Azııa Oıyndary bastalady. Oǵan SQO-dan konkıshi Roman Krech, Dmıtrıı Babenko, Elena Ýrvantseva, Tatıana Klımchýk jáne shańǵyshy Rınat Mýhın qatysady.