Ýnıversıada úshin salynǵan páterler Almatyda kezekte turǵandarǵa beriledi
Bul týraly búgin Úkimettiń selektorlyq rejimdegi otyrysynda Almaty qalasynyń ákimi Baýyrjan Baıbek málim etti, dep habarlaıdy QazAqparat.
«Atletter aýylyna qatysty Memleket basshysynyń tapsyrmasyna sáıkes, biz baspana kezeginde turǵandar arasynda 1748 páterdi bólý jumysyn bastadyq. Bul Almatydaǵy baspanaǵa kezekte turǵandardy 10 paıyzǵa qysqartady. Búginde kezekte shamamen 17 myń adam tur. Biz bul máseleni naýryz aıyna deıin qysqa merzimde aıaqtaýdy josparlap otyrmyz», - dedi ol.
Baıbektiń aıtýynsha, ákimdik pen «Qazaqstannyń ıpotekalyq kompanııasy» arasyndaǵy kelisimge sáıkes halyqtyń az qamtylǵan sanatynan baspana kezeginde turǵandardyń tizimi jasalǵan.
«Baspana 8-den 20 jylǵa deıingi merzimge satyp alý quqyǵymen jalǵa beriledi. Bir sharshy metriniń jaldaý quny 1036 teńgeni quraıdy. Búgingi kúni qujattaryn tolyq kólemde usynǵan páterge úmitker 1300 adamnyń 430-y ózderiniń tólem qabiletterin dáleldedi. Osy rette Baqytjan Ábiruly (Úkimet basshysy Saǵyntaev - red), sizdiń kómegińiz qajet. «Báıterek» holdıngi men «Qazaqstannyń ıpotekalyq kompanııasyna» kezekte turǵandardyń qujattaryn rásimdeýdi jedeldetýdi tapsyrýyńyzdy ótinemin», - dedi Baýyrjan Baıbek.