Ýnıversıada: Qazaqstandyq shańǵyshy Ksenııa Shalygına taǵy tórtinshi oryn aldy
23:16, 18 Qańtar 2023
ASTANA. QazAqparat - Qazaqstandyq shańǵyshy Ksenııa Shalygına AQSh-tyń Leık-Plesıd qalasynda ótip jatqan Qysqy Ýnıversıadada bes shaqyrymǵa erkin mánerde jekeleı synda saıysqa tústi, dep habarlaıdy QazAqparat tilshisi.
Qazaqstandyq shańǵyshy júldegerler qatarynan kórinýge jaqyn qaldy. Máre syzyǵyn tórtinshi bolyp qıdy.
Ol 17 qańtarda bes shaqyrym qashyqtyqta klassıkalyq mánerdegi saıysta da dál osyndaı nátıjege qol jetkizgen edi.
Atalǵan jarysta fınlıandııalyq Hılla Nıemela bas júlde aldy. Al estonııalyq Marıel Pýlles kúmis, ıtalıandyq Marııa Bokkardı qola medal aldy.
El quramasynan Nadejda Stepashkına 10, Aısha Raqysheva 21, Anna Melnık 45, Laýra Qınybaeva 46,, Anastasııa Rotova 51-oryndardy mise tutty.
Eske salsaq, budan buryn Qazaqstan hokkeıshileri AQSh quramasynan jeńilip qaldy.