Ýnıversıada: Qazaqstan quramasy medaldar kestesinde altynshy orynda tur

ASTANA. QazAqparat – 2023 jylǵy Qysqy Ýnıversıadada segizinshi jarys kúninen keıin Qazaqstan quramasy medaldar kestesinde altynshy orynda tur, dep habarlaıdy QazAqparat tilshisi.

Dúbirli doda AQSh-tyń Leık-Plesıd qalasynda ótip jatyr. Qysqy Ýnıversıada 12 qańtarda bastaldy, 22 qańtar kúni máresine jetedi.

Ázirge el quramasy qorjynynda 3 altyn, 1 qola medal bar.

Alǵashqy altyn medaldi bıatlonshy Vadım Kýrales salsa, búgin shańǵymen tramplınnen sekirýden Danıl Vasılev chempıon atandy.

Al qazaqstandyq bıatlonshy Bekentaı Turlybekov 10 shaqyrymǵa sprınt jarysynda altyn alsa, taǵy bir bıatlonshy Aleksandr Mýhınbir qola júldeger atandy.

Medaldar kestesinde júldege ilikken 21 qurama engizilgen.

Kósh basynda Japonııa 32 (15-12-5) medalmen kele jatsa, odan keıingi oryndardaǵy Polshanyń - 10 (4-3-3), Ońtústik Koreıanyń - 5 (4-3-3) medali bar.

Al Chehııa 8 (3-1-4) júldemen - tórtinshi, Fınlıandııa 5 (3-1-1) júldemen besinshi satyda tur.