Ýnıversıada: Qazaqstan hokkeıshileri qola júldege talasady

ASTANA. QazAqparat - 2023 jylǵy qysqy Ýnıversıadada shaıbaly hokkeıden Qazaqstan stýdentter quramasy jartylaı fınalda Kanadamen kezdesti, dep habarlaıdy QazAqparat tilshisi.

Oıynnyń alǵashqy mınýttarynda qos qurama tarapynan belsendilik baıqaldy. Esep ashatyn birneshe múmkindik boldy. Dese de hokkeıshiler kózdegen nysanadan múlt ketip jatty. Al 10-mınýtta kanadalyq Djonatan ıAntıs qarsylas qaqpasynan sańylaý tapty.

Ekinshi kezeńniń 24-mınýtynda qazaqstandyq Danıl Býtenko tarazy basyn teńestirdi. Oıyn barysynda kanadalyq hokkeıshiler belsendilikti arttyryp, shabýyl shebine kóbirek shyǵyp jatty. Nátıjesinde kanadalyq Noa Kıng - 11, Brett Devıs -13, Djonatan ıAntıs 37-mınýttarda mergendik tanytty.

Osylaısha qazaqstandyq hokkeıshiler qarsylasyna 1:4 esebimen ese jiberdi. Endi olar 3-oryn úshin saıysta Japonııamen sheberlik baıqasady.

Aıta ketsek, jartylaı fınaldyq taǵy bir oıynda AQSh stýdentter quramasy Japonııany 4:3 esebimen jeńip, «altyn» úshin talasqa joldama aldy.

Fınalda AQSh jáne Kanada stýdentter quramasy kezdesedi.

Toptyq kezeńde el quramasy Ońtústik Koreıany – 5:1, Vengrııany - 9:1, Ulybrıtanııany - 15:1, Slovakııany 4:0 esebimen jeńip, AQSh quramasyna 1:4 esebimen ese jiberdi.

Óz tobynda 12 upaımen ekinshi oryn alǵan olar dop aıyrmasymen AQSh quramasyn alǵa shyǵardy.

Shaıbaly hokkeıden Qazaqstan stýdentter quramasy dúbirli dodaǵa toǵyz márte qatysty. 1995 jyly Ispanııanyń Haka qalasynda chempıondyq tuǵyrǵa kóterilse, 1993, 2013, 2015, 2017 jyldarda kúmis, 2007 jyly qola medal ıegeri atandy.