Ýnıversıada: Hokkeıden Kanada - Qazaqstan kezdesýi tikeleı efırden kórsetiledi

ASTANA. QazAqparat - 2023 jylǵy Qysqy Ýnıversıadada shaıbaly hokkeıden Qazaqstan stýdentter quramasy jartylaı fınaldaǵy Kanadamen kezdesýi qaı telearnadan kórsetilini belgili boldy, dep habarlaıdy QazAqparat tilshisi.

Qysqy Ýnıversıada AQSh-tyń Leık-Plesıd qalasynda ótip jatqan Kanada men Qazaqstan stýdentter quramalarynyń kezdesýi elorda ýaqytymen 20:35-te bastalyp, «Qazsport» telearnasynan tikeleı efırde kórsetiledi.

Sondaı-aq atalǵan telearna fınal men 3-oryn úshin saıysty tikeleı efırde kórsetýdi josparlap otyr.

Tikeleı kórsetilimniń kestesi tómendegishe:

22 qańtar. 00:05 Kanada men Qazaqstan

22 qańtar. 22:05 3-oryn úshin saıys

23 qańtar. 04:10 Fınal

Qazaqstandyq hokkeıshiler V tobynda Ońtústik Koreıa, Vengrııa, Ulybrıtanııa, Slovakııa jáne AQSh-pen synǵa tústi.

Toptyq kezeńde el quramasy Ońtústik Koreıany – 5:1, Vengrııany 9:1, Ulybrıtanııany 15:1, Slovakııany 4:0 esebimen jeńip, AQSh quramasyna 1:4 esebimen ese jiberdi.

Óz tobynda 12 upaımen ekinshi oryn alǵan olar dop aıyrmasymen AQSh quramasyn alǵa shyǵardy.

Amerıkandyq hokkeıshiler taǵy bir jartylaı fınalda Japonııamen sheberlik baıqasady.

Shaıbaly hokkeıden Qazaqstan stýdentter quramasy dúbirli dodaǵa toǵyz márte qatysty. 1995 jyly Ispanııanyń Haka qalasynda chempıondyq tuǵyrǵa kóterilse, 1993, 2013, 2015, 2017 jyldarda kúmis, 2007 jyly qola medal ıegeri atandy.

Foto: icehockey.kz