Ýnıversıada dırektsııasy Atletıkalyq aýyldyń daıyndyǵyn tekserdi
«Nysan tolyq daıyn deýge bolady. Tósekter men jıhaz toltyrylyp jatyr. Sońǵy usaq-túıek buıymdardy ornatyp jatyrmyz. Jýyný bólmelerinde qajetti zattar qoıylyp jatyr», - dedi Atletıkalyq aýyl basqarma departamentiniń basshysy Sánim Sháripova.
Onyń aıtýynsha, pıramıda ǵımaratynda keletin atletterdi kútip alyp, tirkeý ortalyǵy jasalady. Sondaı-aq, qarjy departamenti, kóshi-qon qyzmeti sport-aqparat ortalyǵy ornalasady. Munda sportshylar ózderine qajetti aqparatty ala alady.
Sonymen qatar, ulttyq mýzyka tyńdaýǵa múmkindik beretin mýltımedıalyq ortalyq ashylady.
«Búginde biz 59 elden 3 myńǵa jýyq sportshy keledi dep otyrmyz. Taǵy 2 el aqparatty rastaǵan joq. Alǵashqy qonaqtar 24 qańtarda kele bastaıdy», - dedi dırektor.
Mamannyń aıtýynsha, sporttyq nysanǵa 5 myń adam syıady.
Ýnıversıada bitken soń nysan kóppáterli turǵyn úıge aınalady. Mundaǵy nómirler ákimdik arqyly memlekettik baǵdarlama aıasynda taratylady.
Atletıkalyq aýylda 500 beınekamera ornatylady. Bul tártip buzýshylyq pen qylmystyń aldyn alý úshin jasalyp otyr.
Sondaı-aq, munda sporttyq shara bitken soń Alataý aýdanynyń HQKO ornalasady.
Oǵan deıin bank, 100 adamǵa arnalǵan emhana, fıtness ortalyq, SPA salony, sýpermarket, pochta, dúken jumys istep turady.