Ýnıversıada-2017: Qazaqstan qorjynyna jetinshi júlde tústi
16:12, 23 Tamyz 2017
ASTANA. QazAqparat - Qytaıdyń Taıbeıinde ótip jatqan jazǵy 2017 jylǵy ýnıversıada oıyndarynda taǵy bir otandasymyz Qazaqstan qorjynyna 7 júldeni saldy, dep habarlaıdy QazAqparat tilshisi.
Dzıýdodan qyzdar arasynda Qazaqstan namysyn qorǵap kele jatqan Otgontsetseg Galbadrah Jazǵy Ýnıversıada oıyndarynyń qola júldesin jeńip aldy.
48 keli salmaqtaǵy arýymyz 1/8 fınalda japon qyzy Ýmekıta Maıdan jeńilip qalǵan edi. Baǵyna jaraı ol jubanysh beldesý múmkindigine ıe bolyp, birinshi jubatý beldesýind Galbadrah avstrııalyq Mara Kraftan aılasyn asyrdy. Ekinshi beldesýinde frantsýz dzıýdoshysy Djessıka Marın Anrıden basym tússe, úshinshi belbesýinde ol polshalyq Ioanna Stankevıchti jeńdi. Al qola júlde úshin ótken beldesýde Marııa Persıdskaıany utyp, qola júldeger atandy.