UNESCO Jibek joly murasyn zerttep júrgen jas ǵalymdarǵa grant usyndy

NUR-SULTAN. QazAqparat – UNESCO ókilderi jastardy Uly Jibek jolynyń murasyn zertteýge bólinetin stıpendııaǵa ótinim berýge shaqyrady. Bul - UNESCO-nyń jańa bastamasy, dep habarlaıdy QazAqparat BUU jańalyqtaryna silteme jasap.

10 myń dollar grant myna taqyryptardy zertteıtin 12 jas ǵalymǵa beriledi:

- Jibek jolynyń ortaq murasy jáne kópqyrlylyǵy

- Jibek jolynyń mádenı sanalýandyǵy

- Jibek joly murasy qazirgi zamanǵy shyǵarmashylyqtyń, mádenıetaralyq dıalogtyń, áleýmettik tutastyqtyń, óńirlik jáne halyqaralyq yntymaqtastyqtyń negizi retinde.

35 jasqa deıingi aspırantýra stýdentteri grant alýǵa ótinish bere alady.

Zertteýlerge jeke tulǵalar da, jas ǵalymdar toby da qatysa alady.

Ótinimder 18 sáýirge deıin qabyldanady.

Tolyq aqparatty UNESCO resmı saıtynan tabýǵa bolady.