UNESCO: 2020 jyl Tonykók eskertkishiniń 1300 jyldyǵyna arnalady
Qýanyshty habardy búgin UNESCO-dan Halyqaralyq túrki akademııasynyń prezıdenti, «Egemen Qazaqstan» respýblıkalyq gazeti» aktsıonerlik qoǵamynyń Basqarma tóraǵasy Darhan Qydyráli jetkizdi dep habarlaıdy QazAqparat.
«UNESCO-dan súıinshi habar: Kelesi 2020 jyl túgel túrkiniń abyzy Tonykók babamyzdyń jazba eskertkishiniń 1300 jyldyǵyna arnalady. Qutty bolsyn!»,-dep jazdy Darhan Qydyráli óziniń feısbýktegi paraqshasynda.
Aıta keteıik, Tonykók Ekinshi Shyǵys Túrki Qaǵandyǵynyń negizin qalaýshylardyń biri, oǵyz taıpasynan shyqqan uly dana, zamanynda Túrki qaǵanatynyń úsh birdeı qaǵanyna ýázir bolyp, túrki eliniń halqyn kóbeıtip, jerin keńeıtýge úlken úles qosqan kemeńger.
Osyǵan deıin arheologtar Mońǵolııadaǵy Tonykók eskertkishiniń mańaıynan 1300 jyl burynǵy saýsaq izderin tapqandyǵyn jazǵan bolatynbyz.