Únemdelgen qarajat tıimdi maqsatqa jumsalýy tıis
Komıssııa otyrysynda «Jol kartasy» baǵdarlamasynyń ınvestıtsııalyq jobalar baǵyty boıynsha josparlanǵan qarajattarǵa ótkizilgen memlekettik satyp alýdyń qorytyndylary, áleýmettik jumys oryndary men «Jastar tájirıbesi» baǵdarlamasyn keńeıtýge, kadrlardy daıyndaýǵa, qaıta daıarlaýǵa bólingen qarajattyń ıgerilýi qaraldy.
Kún tártibindegi birinshi másele boıynsha oblystyq qarjy basqarmasy bastyǵynyń mindetin atqarýshy Talǵat Іlııasov habarlama jasady. Ótken jyly elimizde qarjy daǵdarysyn eńserýge baǵyttalǵan «Jol kartasy» baǵdarlamasy júzege asqany belgili. Ústimizdegi jyly da osy baǵdarlama jalǵasyn tabýda. Aımaqta 5291 jańa jumys ornyn ashýǵa múmkindik týǵyzatyn 128 jobany júzege asyrý baǵytyndaǵy jumystar bastalyp ketti. Habarlamashy memlekettik satyp alý konkýrstarynan únemdelgen qarajattardy qaıta baǵyttaý maqsatynda baǵdarlama ákimshileri atqaryp jatqan jumystarǵa toqtaldy. Máselen, esepti merzimde mádenıet basqarmasy boıynsha 2 nysandy kúrdeli jóndeý jumystaryna bólingen 38 mln. teńge ıgerilmegen. Osy qarajattyń 24,7 mln. teńgesi QR Mádenıet mınıstrligindegi qurylymdyq ózgeristerge oraı, ıaǵnı esepshottyń jabyq bolýyna baılanysty qalyptasqan. Otyrysta baǵdarlama ákimshilerine únemdelgen qarjyny qaıta baǵyttaý úshin salalyq mınıstrliktermen birigip jumys jasaý tapsyryldy.
Ekinshi másele boıynsha oblystyq jumyspen qamtýdy úılestirý jáne áleýmettik baǵdarlamalar basqarmasynyń bastyǵy Irına Kım, oblystyq bilim basqarmasynyń bastyǵy Jańyl Jontaeva habarlamalar jasady. Áleýmettik jumys oryndary men «Jastar tájirıbesi» baǵdarlamasyn keńeıtý boıynsha 4000 adamdy jumyspen qamtýǵa 480 mln. teńge qarjy qarastyrylǵan. Sonyń ishinde áleýmettik jumys oryndaryna 180 mln. teńge, «Jastar tájirıbesin» keńeıtýge 300 mln. teńge bólinip otyr.
Ústimizdegi jylǵy mamyrdyń 1-indegi málimetterge qaraǵanda, oblys boıynsha jumyspen qamtý organdary 117 mekeme, kásiporyndarmen kelisim-shart jasasyp, 938 áleýmettik jumys oryndary uıymdastyryldy. Bul baǵytqa 27,4 mln. teńge qarjy qaraldy. Áleýmettik jumys oryndaryna ornalasqandardyń jalaqysy 40 myń teńge, sonyń ishinde 20 myń teńge jumys berýshiden, 20 myń teńge bıýdjetten tólenedi.
Sondaı-aq 458 mekeme, kásiporyndarmen kelisim-shart jasalyp, 1241 jas maman «Jastar tájirıbesi» baǵdarlamasymen jumysqa ornalastyryldy. Olardyń jalaqysy 20 myń teńgeni quraıdy. Jyl basynan beri 36 adam turaqty jumysqa ornalasty.
Kadrlardy qaıta daıarlaý boıynsha qysqa merzimdi kýrstar uıymdastyrylǵan. Oǵan qosa, kásiptik mektepterde 1000 adam daıarlyqtan ótýde. Maýsym aıynda óńirlik forým ótedi. Kásipti ıgergen 678 mamannyń barlyq málimetteri jumys berýshilerge joldandy. Habarlamashylar «Jol kartasy» aıasyndaǵy jobalardy júzege asyrýǵa qaıta daıarlyqtan ótken mamandardy tartýdyń mańyzdylyǵyn atap ótti.
Komıssııa otyrysyn qorytyndylaǵan oblys ákiminiń birinshi orynbasary memlekettik satyp alý konkýrstaryn merziminde jáne zań talaptaryna saı ótkizýdi, únemdelgen qarajatty qaıta baǵyttaýdy shildeniń 1-ine deıin atqarýdy, kadrlardy qaıta daıarlaý jumystaryn talap deńgeıinde júrgizýdi tapsyrdy.