Úndistannyń burynǵy premer-mınıstri Manmohan Sıngh qaıtys boldy

<p>ASTANA. KAZINFORM &ndash; Densaýlyǵy nasharlaǵan eks-premer Delıdegi aýrýhanaǵa jatqyzylyp, 92 jasynda qaıtys boldy, dep habarlaıdy&nbsp;<a href="https://www.bbc.com/russian/articles/c23vz5vp5k0o" target="_blank" rel="noopener">VVS</a>.</p>

Manmohan Sıngh Úndistannyń eń jyldam damyp kele jatqan derjavalardyń birine aınalýyna múmkindik bergen lıberaldy ekonomıkalyq reformalardyń sáýletshisi bolyp sanalady.

Úndistan 1990 jyldardyń basynda bankrottyq aldynda turdy. Manmohan Sıngh salyqty tómendetip, rýpııany qunsyzdandyrdy, memlekettik kompanııalardy jekeshelendirip, sheteldik ınvestorlardy shaqyra bastady. 

Qabyldanǵan sharalar ekonomıkany jandandyrdy, ónerkásip óndirisiniń ósýine túrtki boldy jáne ınflıatsııany tejedi. Úndistandaǵy ekonomıkalyq ósim 1990 jyldardan beri turaqty joǵary bolyp qalyp otyr. 

Sıngh premer-mınıstr qyzmetin 2004-2014 jyldary atqardy, oǵan deıin 1991 jyldan beri qarjy mınıstri bolyp jumys istegen.

Buǵan deıin Úndistanda «Fengal» daýylynan úsh adam qaza tapqany habarlanǵan.