Úndistanyń Vistara áýe kompanııasynyń ushaǵy jedel túrde Túrkııaǵa qonýǵa májbúr boldy

<p>ASTANA. KAZINFORM &ndash; Úndistannyń Vistara áýe kompanııasynyń 247 jolaýshysy bar ushaǵy bomba qoıylǵany týraly aqparatqa baılanysty Túrkııanyń ońtústigindegi Erzýrým qalasyna qondy. <a href="https://www.trtworld.com/" target="_blank" rel="noopener">TRT</a> telearnasynyń habarlaýynsha, ushaq Mýmbaı-Mıýnhen baǵytymen ushyp bara jatqan.</p>

«Úndistan áýe kompanııasynyń ushaǵy ushyp bara jatqan kezde bortta bomba bar ekendigi jóninde aqparat túsken. Ushaq shuǵyl túrde Erzýrým qalasyna qondy. Qazir ol qaýipsiz jerde. Áýejaıdan ushaqtardy jiberý jáne qabyldaýǵa ýaqytsha tyıym salynǵan. Mamandar áýe kemesin tekserip jatyr. Eger qaýip bar ekeni rastalmasa ushaq saparyn jalǵastyrady», -dep habarlady Erzýrým gýbernatory Mustafa Chıftchı.

Sonymen qatar ushaq ekıpajy men jolaýshylar qaýipsiz jerge kóshirilgeni habarlandy. Qazirgi tańda jarylǵysh zattarmen jumys isteıtin maman laınerdi tekserip jatyr.

Bomba týraly habar 600 jolaýshyny alyp ushýǵa qaýqarly ushaq Túrkııanyń áýe keńistigine kirgende túsken. Aldymen Ordý qalasyna qonýǵa ruqsat suraǵan ushaq Erzýrým qalasyna qondy.