Úndistandyq loýkoster Delıden Almatyǵa áýe reısin ashty

<p>Úndistannyń IndiGo loýkosteri Delıden Almatyǵa áýe reısterin ashty, dep habarlaıdy Azamattyq avıatsııa komıtetiniń baspasóz qyzmeti.&nbsp;</p>

Azamattyq avıatsııa komıteti halyqaralyq reıster sanyn ulǵaıtý jáne ushý geografııasyn turaqty negizde keńeıtý boıynsha jumys júrgizýde.
Aǵymdaǵy jyldyń 24 qyrkúıeginde Úndistannyń "IndiGo" loýkoster áýe kompanııasy A–320 jáne A-321 tıpti áýe kemelerimen aptasyna 3 reıs jıiligimen (seısenbi, beısenbi jáne senbi) Delı-Almaty baǵyty boıynsha Qazaqstanǵa tikeleı jolaýshylar reısterin iske qosty.
Delı men Almaty qalalary arasyndaǵy birinshi reıste ortasha kommertsııalyq júkteme 69% qurady.
Qazaqstan men Úndistan arasyndaǵy reısterdiń ulǵaıýy elder arasyndaǵy saýda - ekonomıkalyq, iskerlik, ınvestıtsııalyq, týrıstik jáne mádenı yntymaqtastyqty odan ári damytýǵa yqpal etetin bolady.

Aıta keteıik, "IndiGo" - Úndistannyń eń iri tómen bıýdjettik áýe tasymaldaýshysy. 2006 jyldyń tamyzynda qurylǵan. Áýe kompanııasynyń parki syıymdylyǵy 186, 222, 232 oryndyq jáne bolatyn 300-ge jýyq A-320, A-321 jáne ATR-72 áýe kemelerinen turady. Baǵyttardyń jalpy sany – 104, onyń ishinde 78 – ishki, 26 – halyqaralyq baǵyttar (Shveıtsarııa, Belgııa, Irlandııa, Sıngapýr, Ispanııa, Frantsııa, Malaızııa, Bahreın, Vengrııa, Bangladesh, Shrı-Lanka, Danııa, Gonkong, Nepal, Portýgalııa jáne t.b.).